વાપી ટાઉન પોલીસ મથકમાં વાપીના એક મહિલા તબીબે નકલી CBI બની આવેલ ઓરિસ્સાના ઈસમ વિરુદ્ધ ફરિયાદ નોંધાવી હતી. કે સ્મિથ શેઠિ નામના ઇસમે તેમની ક્લિનિકમાં આવી ઇન્કમટેક્ષ ની ફાઇલ માંગી ગુન્હો કર્યો છે. આ ફરિયાદ આધારે ટાઉન પોલીસે વિવિધ કલમો હેઠળ ફરિયાદ નોંધી સ્મિથને જ્યૂડીશયલ કસ્ટડીમાં મોકલ્યો હતો. આ કેસ સંદર્ભે નકલી CBI ઓફિસરની ઓળખ આપનાર સ્મિથ શેઠિના વકીલ યોગેશ એસ. રાવલ દ્વારા વાપી કોર્ટમાં ધારદાર રજુઆત કરતા નામદાર સેશન્સ મેજિસ્ટ્રેટે રેગ્યુલર જામીન મંજુર કરવાનો હુકમ કર્યો છે.
જામીન પર મુક્ત થયેલ સ્મિથ સામે વાપીના તબીબે નકલી CBI ઓફિસર બની ગુન્હો કર્યો હોવાની ફરિયાદ વાપી ટાઉનમાં કરી હતી. જે ફરિયાદ આધારે ટાઉન પોલીસે IPC કલમ 420, 170, 447, 419 હેઠળ સ્મિથની ધરપકડ કરી રિમાન્ડ મેળવી જ્યૂડીશયલ કસ્ટડીમાં મોકલ્યો હતો. જે કેસ અનુસંધાને સ્મિથે વકીલ મારફતે જામીન અરજી કરતા સ્મિથના વકીલ યોગેશ રાવલે વાપી કોર્ટમાં નામદાર સેશન્સ જજ સમક્ષ ધારદાર દલીલો રજૂ કરી હતી.
ઉલ્લેખનીય છે કે, ગત 8મી જુલાઈ 2023ના વાપી ટાઉનના સુથારવાડમાં ક્લિનિક ચલાવતા અને વાપીના GIDC ગાર્ડન નજીક રહેતા ડૉ. હંસા ભીખાલાલ ભદ્રાએ ફરિયાદ નોંધાવી હતી કે, તેઓ તેમની ક્લિનિકમાં બેસેલા હતાં. ત્યારે મૂળ એરિસ્સા ના ખોરધા જિલ્લાના ભુવનેશ્વરનો સ્મિથ અભિરામ શેઠિ નામનો ઈસમ તેમની ક્લિનિકમાં આવ્યો હતો. આ ઇસમે પોતાને CBI ઓફિસર હોવાની ઓળખ આપી તબીબની ડીગ્રી વિશે પૂછપરછ કરી હતી. અને ઇન્કમટેક્ષની ફાઇલ માંગી હતી. તેમજ તબીબને ઘરે જઈ તપાસ કરવાનો ઢોંગ કરી તેમની કારમાં બેસી ઘરે જવા નીકળ્યા હતા. તે સમયે એક કાર ચાલકે આ ઈસમ ફ્રોડ હોવાનું જણાવ્યું હતું. જેથી તેમની વિરુદ્ધ વાપી ટાઉનમાં પોલીસ ફરિયાદ નોંધાવી હતી.
