Umargam Industries Association (UIA) દ્વારા આયોજિત Umargam Industrial Expo 2024માં રવિવારે મુલાકાતીઓનો ધસારો જોવા મળ્યો હતો. તો, UIA ના આમંત્રણને માન આપી વલસાડ ડાંગના MP ધવલ પટેલ, વલસાડ જિલ્લા ભાજપ પ્રમુખ હેમંત કંસારા તથા મુંબઈથી પ્રશાંત કારૂલકરે સહપરિવાર સાથે મુલાકાત લીધી હતી. જેઓનું UIA ની ટીમ દ્વારા ઉષ્માભેર સ્વાગત કરવામાં આવ્યું હતું
લોકસભાના દંડક તેમજ વલસાડ ડાંગ સાંસદ ધવલભાઈ પટેલ દ્વારા ઉમરગામ ખાતે ચાલી રહેલા Umargam Industrial Expoની મુલાકાત લઈ અહીંના દરેક સ્ટોલનું નિરીક્ષણ કર્યું હતું. આ એક્સપોમાં ગુજરાત રાજ્ય ઔદ્યોગિક ક્ષેત્રે પ્રસિદ્ધ હોવાથી આ ઉદ્યોગ ક્ષેત્રે વિવિધ પ્રકારની મેન્યુફેક્ચરિંગ કરતી કંપનીઓ ના સ્ટોલ લગાવવામાં આવ્યા છે. જે દરેક સ્ટોલ પર UIA ના પ્રમુખ નરેશ બાંથિયા અને UIA ટીમ મેમ્બર સાથે ધવલ પટેલે મુલાકાત લીધી હતી. દરેક સ્ટોલ પર MP નું સ્ટોલધારકોએ સ્વાગત કર્યું હતું. રવિવારનો દિવસ હોય એક્સપોમાં મોટી સંખ્યામાં વલસાડ જિલ્લા અને મહારાષ્ટ્રના મુલાકાતીઓ પણ મુલાકાતે આવ્યાં હતાં.
MP ધવલ પટેલની મુલાકાત પ્રસંગે આ પ્રસંગે UIA પ્રમુખ નરેશ બાંથિયા, કીલુ પાંચાલ, ટીનુ બારી, વલસાડ જીલ્લા ભાજપ પ્રમુખ હેમંત કંસારા, જિલ્લા મહામંત્રી કમલેશ પટેલ, તાલુકા ભાજપ પ્રમુખ, મહામંત્રી, સંગઠનના હોદ્દેદારો સહિત ઉદ્યોગ જગતના આગેવાનો ઉપસ્થિત રહ્યા હતાં.
