ગુજરાત ટેકનોલોજીકલ યુનિવર્સીટી દ્વારા તારીખ ૨૮/૦૧/૨૦૨૫ મંગળવારના રોજ ૧૪માં વાર્ષિક પદવી સમારંભ ૨૦૨૫ અમદાવાદમાં યોજાયો હતો. આ સંમેલનમાં, શ્રીમતી ભાવનાબેન નાનુભાઈ બાંભરોલીયા સ્વામિનારાયણ ફાર્મસી કોલેજની વિદ્યાર્થીની બારોટ માનસી મનોજકુમારને ફાર્માસ્યુટિકસ શાખામાં સમગ્ર ગુજરાત ટેકનોલોજીકલ યુનિવર્સીટીમાં અગ્ર સ્થાન પ્રાપ્ત કરી બે ગોલ્ડ મેડલ મળ્યાં, તદુપરાંત બી. ફાર્મસીના અંતિમ વર્ષની વિદ્યાર્થીની સોફિયા સિરાજ ભોજાનીને પણ અભ્યાસની શ્રેષ્ઠતા દર્શાવીને યુનિવર્સીટીમાં અગ્ર સ્થાન પ્રાપ્ત કરી એક ગોલ્ડ મેડલ મળ્યો. આ સફળતાને કારણે કોલેજ, સંસ્થા, વલસાડ જિલ્લા અને તેમના માતાપિતાનું નામ રોશન થયું છે.
આ પદવી સમારંભમાં શ્રીમતી ભાવનાબેન નાનુભાઈ બાંભરોલીયા સ્વામિનારાયણ ફાર્મસી કોલેજએ અત્યાર સુધી એમ. ફાર્મસીના ૬ વિદ્યાર્થીઓ દ્વારા કુલ ૧૧ ગોલ્ડ મેડલ મેળવ્યા છે, જે સંસ્થાની અભ્યાસ ક્ષેત્રે ઉચ્ચ શિખર પર પોહચ્યાં છે.
સંસ્થાના અધ્યસ્થાપક પરમ પૂજ્ય પુરાણી સ્વામી કેશવચરણદાસજી અને મેનેજિંગ ટ્રસ્ટી પરમ પૂજ્ય પુરાણી સ્વામી કપિલજીવનદાસજીના આશીર્વાદ અને સંસ્થાના એકેડેમિક ડીરેક્ટર અને એમ. ફાર્મ ફાર્માસ્યુટિકસ ડિપાર્ટમેન્ટના હેડ પ્રોફેસર ડૉ. શૈલેષ વી. લુહાર, કોલેજના આચાર્યશ્રી ડૉ. સચિન બી. નારખેડેના માર્ગદર્શન હેઠળ તેમજ તેમના એમ. ફાર્મસી રિસર્ચ ગાઈડ ડૉ. અનુરાધા પી. પ્રજાપતિ દ્વારા આ શ્રેષ્ઠ પરિણામ પ્રાપ્ત કરવું સંભવ બની શક્યું છે. વિશ્વસનીય માર્ગદર્શન, સ્ટાફ અને વિદ્યાર્થીઓની મહેનતથી ૬ વર્ષથી સતત આવા પરિણામો પ્રાપ્ત થઇ રહ્યા છે, જેમાં એમ. ફાર્મસી અને બી.ફાર્મસીના વિદ્યાર્થીઓ ગુજરાત ટેકનોલોજીકલ યુનિવર્સીટીમાં અગ્ર સ્થાન હાંસલ કરી રહ્યા છે, જે ખુબજ ગૌરવ ની બાબત છે.
આવી ઐતિહાસિક સિદ્ધિ બદલ શ્રી સ્વામિનારાયણ સંસ્થાના અધ્યસ્થાપક પરમ પૂજ્ય પૂરાણી સ્વામી કેશવચરણદાસજી, મેનેજિંગ ટ્રસ્ટી પરમ પૂજ્ય પુરાણી સ્વામી કપિલજીવનદાસજી,પૂજ્ય રામ સ્વામી, પૂજ્ય હરિ સ્વામીજી, પૂજ્ય માધવ સ્વામીજી, સંસ્થાના ટ્રસ્ટી શ્રી. બાબુભાઈ સોડવડીયા તથા અન્ય ટ્રસ્ટીશ્રીઓ, એકેડેમિક ડીરેક્ટર અને એમ. ફાર્મ ફાર્માસ્યુટિકસ ડિપાર્ટમેન્ટના હેડ પ્રોફેસર ડૉ. શૈલેષ વી. લુહાર, કેમ્પસ ડીરેક્ટર શ્રી હિતેન બી. ઉપાધ્યાય, આચાર્ય ડૉ. સચિન બી. નારખેડે, અને તમામ સ્ટાફે વિદ્યાર્થીનીઓને અને વાલીઓને શુભેચ્છા પાઠવી અને ભવિષ્યમાં પણ આવી ઉજ્જવળ પ્રગતિ કરે તેવા આશીર્વચન આપ્યા હતા.