તાઉ-તેની તબાહી ઘરથી-ખેતર સુધી, ઉદ્યોગો-જંગલથી લઈને સ્મશાન સુધી
રિપોર્ટ :- ગુરુ-G
તાઉ-તેની તબાહી ઘરથી-ખેતર સુધી, ઉદ્યોગો-જંગલથી લઈને સ્મશાન સુધી મચી છે. જેમાં જેમ ચોમાસા દરમ્યાન પુરના પાણી ગામડાઓને સંપર્ક વિહોણા કરે તેમ વાવાઝોડા સાથે વરસેલા વરસાદમાં દુરસંચારની ક્ષતિએ અનેક પરિવારના લોકોને મોબાઈલ સંપર્ક વિહોણા કર્યા હતા.
વાપી :- વલસાડ જિલ્લામાં તાઉ-તે વાવાઝોડાની અસર હેઠળ પારાવાર નુકસાન થયું છે. જો કે હજુ સુધી ક્યાં સેકટરમાં કુલ કેટલું નુકસાન થયું છે. તેનો સર્વે પૂરો થયો નથી. પરંતુ, વલસાડ જિલ્લામાં તાઉ-તે વાવાઝોડા દરમ્યાન ઘરથી-ખેતર સુધી, ઉદ્યોગો-જંગલથી લઈને સ્મશાન સુધી ભારે તબાહી મચી છે.
વલસાડ જિલ્લામાં તાઉ-તે વાવાઝોડાને લઈને ઉમરગામ તાલુકામાં સૌથી વધુ તારાજી સર્જાઈ છે. સૌથી પહેલાં વાત કરીએ તો જિલ્લામાં સૌથી વધુ નુકસાન GEB ને થયું છે. જિલ્લામાં અનેક થાંભલા ધરસાઈ થયા છે. ટ્રાન્સફોર્મરને નુકસાન થયું છે. ઉમરગામ પંથકમાં જ 92થી વધુ પોલ ધરસાઈ થયા છ...