માણસ આત્મવિશ્વાસ સાથે મહેનત કરે તો સફળતા જરૂર પ્રાપ્ત કરે છે“ શ્રી એલ.જી. હરિઆ મલ્ટી પર્પઝ સ્કૂલ, સિલવાસ રોડ,વાપી શાળાના વિદ્યાર્થીઓએ પોપ્યુલર ક્વિઝ કોન્ટેસ્ટ -2023, જે વાપી કનાડા સંઘ દ્વારા 9 ડિસેમ્બરના રોજ આયોજિત કરવામાં આવી હતું. જેમાં કુલ 18 સ્કૂલો એ ભાગ લીધો હતો.
ચાર ગ્રુપમાં આ સ્પર્ધા આયોજિત કરવામાં આવી હતી. જેમાં શ્રી એલ.જી. હરિઆ મલ્ટી પર્પઝ શાળાના વિદ્યાર્થીઓએ શાળાનું નામ રોશન કર્યું છે. આ સ્પર્ધામાં પ્રથમ ગ્રુપમાં – માસ્ટર હેરમ શર્મા- જે ચોથા ધોરણમાં છે. માસ્ટર જેનીમ ભાડજા જે ત્રીજા ત્રીજા ધોરણમાં છે. જેમણે ગ્રુપ એકમાં પ્રથમ ક્રમ પ્રાપ્ત કર્યો છે.
બીજા ગ્રુપમાં – માસ્ટર અનમોલ શ્રીવાસ્તવ જે સાતમા ધોરણમાં છે. માસ્ટર પ્રયાગ કુલકર્ણી જે છઠ્ઠા ધોરણમાં છે. જેમણે ગ્રુપ બે માં ત્રીજો ક્રમ પ્રાપ્ત કર્યો છે. ચોથા ગ્રુપમાં – માસ્ટર નારાયણ સિંગ અને માસ્ટર હર્ષ રાજપુરોહિત જે ધોરણ 11 ના વિદ્યાર્થીઓ છે જેમણે પ્રથમ ક્રમ પ્રાપ્ત કર્યો છે.
આ બધા વિદ્યાર્થીઓને પુરસ્કાર મળવાથી ઓવર ઓલ ટ્રોફી પણ શ્રી એલજી હરિયા મલ્ટી પર્પઝ સ્કૂલને જ પ્રાપ્ત થઈ છે. આ દરેક વિદ્યાર્થીઓ અને શિક્ષકોને શાળાના આચાર્ય શ્રીમતી બીન્ની પોલ અને ટ્રસ્ટી મેમ્બર દ્વારા શુભેચ્છા પાઠવવામાં આવી હતી.
