વલસાડ SOG ની ટીમે 3 વર્ષથી વોન્ટેડ આરોપીને ઝડપી પાડી મહત્વની સફળતા મેળવી છે. પકડાયેલ આરોપી સામે ડુંગરી પોલીસ મથકે NDPS એકટનો ગુન્હો નોંધાયો હતો. જે ગુન્હામાં આરોપી ત્રણ વર્ષથી નાસતો ફરતો હતો. જેને SOGની ટીમે વડોદરા શહેર થી ઝડપી પાડયો છે.
વલસાડ જીલ્લા પોલીસ અધિક્ષક ડૉ.રાજદીપસિંહ ઝાલાએ વલસાડ જિલ્લાના NDPS એકટ, આર્મ્સ એકટ તેમજ ATS ચાર્ટર મુજબના નાસતા ફરતા/વોન્ટેડ આરોપીઓ પકડવા સુચના આપેલ જે આધારે પોલીસ ઈન્સ્પેકટર જે.એન.ગોસ્વામી SOG વલસાડ (કેમ્પ વાપી) ના માર્ગદર્શન હેઠળ S.O.G શાખાના પો.સ.ઇ બી.એચ.રાઠોડએ જિલ્લાના તથા અન્ય જિલ્લાના નાસતા ફરતા આરોપીઓને પકડી પાડવા અલગ અલગ ટીમો બનાવી નાસતા ફરતા / વોન્ટેડ આરોપીને પકડવા પ્રયત્નશીલ હતા દરમ્યાન હે.કો. સહદેવસિંહ રાઠોડ, હે.કો. દિગ્વિજયસિંહ વાઘેલા, પો.કો. કુલદિપસિંહ ઝાલા ડુંગરી પો.સ્ટે ગુ.ર.નં .૧૧૨૦૦૦૧૯૨૦૦૮૪૬ / ૨૦૨૦ એન.ડી.પી.એસ એકટ ૧૯૮૫ ની કલમ ૮ ( સી ) , ૨૧ ( બી ), ૨૯ મુજબના ગુન્હાના કામે ત્રણ વર્ષથી નાસતા – ફરતા આરોપી- સોયેબ યુસુફ લાલજી શેખ રહેવાસી.હાજી પાર્ક સોસાયટી , પંચપીર દરગાહની સામે, અકોટા ગાર્ડનની બાજુમાં, અકોટાગામ, વડોદરા શહેર ની તપાસમાં વડોદરા ખાતે જઇ ટેકનીકલ, હ્યુમન સોર્સથી ટીમવર્ક કરી આરોપી સોયેબ યુસુફ લાલજી શેખને વડોદરા અકોટા ગાર્ડન ખાતેથી પકડી પાડી સી.આર.પી.સી ૪૧ (૧) આઇ મુજબ તાબામા લઇ આરોપીને ઉપરોકત ગુનાની તપાસ અર્થે ડુંગરી પોલીસ સ્ટેશનમા સુપ્રત કર્યો છે.
આમ છેલ્લા ત્રણ વર્ષથી એન.ડી.પી.એસના ગુનામાં નાસતા ફરતા આરોપીને પકડી પાડી પ્રશંસનીય કામગીરી કરી છે. સદર કામગીરી પોલીસ ઈન્સ્પેકટર જે.એન.ગોસ્વામી SOG વલસાડ (કેમ્પ – વાપી) તથા પો.સ.ઇ બી.એચ.રાઠોડ તથા અ.હે.કો સહદેવસિંહ રાજેન્દ્રસિંહ , અ.હે.કો. દિગ્વિજયસિંહ વિક્રમસિંહ , અ.પો.કો. કુલદિપસિંહ ધર્મેન્દ્રસિંહ નાઓ દ્રારા કરવામાં આવી હતી.