વાપીમાં આવેલ રોફેલ શ્રી. જી. એમ. બિલાખીયા કોલેજ ઓફ ફાર્મસીના, વિધાર્થીઓને આગળ વધવાની પ્રેરણા માટે પ્રશસ્તિ –2023ની થીમ હેઠળ એન્યુઅલ ડે સેલિબ્રેશન યોજાયું હતું. જેમાં GTU સહિત યુનિવર્સિટી લેવલે ટોપ રેન્ક પ્રાપ્ત કરી કોલેજનું નામ રોશન કરનાર 60 જેટલા વિદ્યાર્થીઓનું શાળાના ટ્રસ્ટી, મહાનુભાવોના હસ્તે એવોર્ડ, સન્માનપત્ર આપી સન્માન કરવામાં આવ્યા હતાં.
21મી એપ્રિલે વી.આઈ.એ હોલમાં રોફેલ શ્રી. જી. એમ. બિલાખીયા કોલેજ ઓફ ફાર્મસીનો વાર્ષિક ઉત્સવ યોજાયો હતો. પ્રશસ્તિ –2023ની થીમ હેઠળ આયોજિત આ વર્ષીકોત્સવમાં મુખ્ય મહેમાન તરીકે બાયર કંપનીના ડાયરેકટર અને સાઈટ મેનેજર નરેન્દ્ર શાહ, બાપુજી તરીકે ઓળખાતા પદ્મશ્રી ગફુરભાઈ બિલખીયા ઉપસ્થિત રહયા હતા. જેઓના હસ્તે પ્રશસ્તિ –2023 કાર્યક્રમમાં જે વિધાર્થીઓએ ગુજરાત ટેકનોલોજીકલ યુનિવર્સિટી (GTU) માં ગોલ્ડ મેડલ મેળવ્યા છે. GTU ટોપટેનમાં સ્થાન પ્રાપ્ત કર્યુ હતુ, તથા જે વિધાર્થીઓએ કોલેજ ખાતે પ્રથમ, દ્વિતિય અને તૃતિય સ્થાન પ્રાપ્ત કર્યુ હતું , એવા તેજસ્વી તારલાઓને એવોર્ડ આપી પ્રોત્સાહિત કરવામાં આવ્યા હતા.
આ અંગે કોલેજના પ્રિન્સિપાલ અરીન્દમ પાલે જણાવ્યું હતું કે, વાર્ષિક ઉત્સવમાં અંદાજિત 400 વિદ્યાર્થીઓએ ભાગ લીધો હતો. જેમાં કોલેજનું વિવિધ ક્ષેત્રમાં યુનિવર્સિટી લેવલે, કોલેજ લેવલે આયોજિત સ્પર્ધાઓમાં ટોપ રેન્ક પ્રાપ્ત કરી કોલેજનું નામ રોશન કરનાર 60 જેટલા વિદ્યાર્થીઓને પ્રશસ્તિપત્ર, એવોર્ડ આપી સન્માનિત કરવામાં આવ્યા છે. GTU માં કોલેજના 3 વિદ્યાર્થીઓએ ગોલ્ડ મેડલ પ્રાપ્ત કર્યો હોય તેમનું વિશેષ સન્માન કરવામાં આવ્યું છે. વાર્ષીકોત્સવ માં કોલેજની અભ્યાસ સહિત ઇત્તર પ્રવૃત્તિ અંગે વિદ્યાર્થીઓના માતાપિતાને પણ માહિતી મળે તે માટે તેમના માતાપિતાને પણ આમંત્રિત કરવામાં આવ્યા હતા.
કાર્યક્રમ દરમ્યાન કોલેજ ટોપ-3માં આવેલ વિધાર્થીઓને ગ્લોબલ પબ્લીક ફાઉન્ડેશન– થેમિસ મેડિકેર સ્કોલરશિપ આપી કારર્કિદીમાં આગળ વધવાની શુભકામના પાઠવી હતી. ટ્રસ્ટી દિપક શાહે જણાવ્યું હતું કે, આજનો વાર્ષિક ઉત્સવ કોલેજ માટે અતિ મહત્વનો કાર્યક્રમ હતો. જેમાં વિદ્યાર્થીઓએ અભ્યાસ સહિત તેમનામાં રહેલી કલા કૌશ્યલનું પ્રદર્શન કરી પ્રતિભાના દર્શન કરાવ્યા છે. GTU માં ગોલ્ડ મેડલ મેળવી વિદ્યાર્થીએ કોલેજને વધુ ખ્યાતિ અપાવી છે.
પ્રશસ્તિ –2023 માં ચીફ ગેસ્ટ નરેન્દ્ર શાહે એમના ઉદ્દબોધનમાં વિધાર્થીઓને કંપનીની જરૂરિયાત પ્રમાણે કયાં ક્ષેત્રમાં વધારે મહેનત કરી આગળ વધી શકાય એ વિશે માર્ગદર્શન આપ્યુ હતુ. પદ્મશ્રી ગફુરભાઈ બિલખીયા (બાપુજી) એ વિધાર્થીઓને પોતાનાં જીવનના જીવંત દષ્ટાંત આપી આત્મબળથી આગળ વધવાનાં આર્શિવચનો આપ્યા હતા. રોટરી કલબ ઓફ વાપીના પ્રમુખ હેમાંગ નાયકે પણ એમનાં સંબોધનમાં વિધાર્થીઓને આગળ વધવા માટે શુભ કામના પાઠવી હતી. રોફેલ ટ્રસ્ટનાં સેક્રેટરી રોટેરીયન આશિષ રોયે વિધાર્થીઓને અભ્યાસમાં આગળ વધવા જરૂરી એવી બધી સેવા પૂરી પાડવાનુ વચન આપ્યુ હતું, તથા એવોર્ડ મેળવવામાં સફળ ન થયેલ વિધાર્થીઓને નિરાશ ન થવા અને આગળ વધવા માટે હાંકલ કરી હતી.
પ્રશસ્તિ –2023 પ્રોગ્રામને અંતે સાંસ્કૃતિક પ્રોગ્રામ કો–ઓર્ડિનેટર આસિસ્ટન્ટ પ્રોફેસર હષિદા પટેલનાં માર્ગદર્શનમાં વિધાર્થીઓએ વિવિધ સાંસ્કૃતિક કૃતિઓ પ્રસ્તૃત કરીને તેમનામાં રહેલી શુશુપ્ત શકિતનો પરિચય આપ્યો હતો . વાર્ષિક દિવસની ઉજવણીનાં અંતે કોલેજનાં આચાર્ય ડો. અરીન્દમ પાલે વિધાર્થીઓને પ્રોત્સાહિત કરી ભવિષ્ય માટે શુભ કામના પાઠવી હતી, વર્ષીકોત્સવમાં રોફેલ ટ્રસ્ટનાં સેક્રેટરી ટ્રસ્ટી રોટેરીયન આશીષ રોય, ટ્રસ્ટી રોટેરીયન ભરત પટેલ, ટ્રસ્ટી રોટેરીયન દિપક શાહ તથા ટ્રસ્ટી રોટેરીયન રાકેશ પટવારી હાજર રહયા હતા.
