શ્રાવણ મહિના પહેલાથી જ દમણમાં ધમધમી ઉઠેલા જુગારધામ પર હવે શ્રાવણ પૂરો થવા આડે ગણતરીના દિવસો બાકી રહ્યા છે. ત્યારે દમણ પોલીસે દરોડા પાડી જુગારિયાઓની સામે કાર્યવાહી હાથ ધરી છે. જે અંતર્ગત ગુરુવારે દેવકા સ્થિત હોટેલ સાયલન્ટમાં દરોડો પાડી 1,05,200 રૂપિયાની રોકડ સાથે 2 દમણના, 10 વલસાડના, 1 પારડીના અને 2 ઉમરગામના ઇસમ સહિત કુલ 15 જુગારીયાઓની ધરપકડ કરી હતી.
દમણમાં દર વર્ષની જેમ આ વર્ષે પણ શ્રાવણ મહિનામાં ઠેરઠેર અનેક હોટેલ, રિસોર્ટસમાં જુગારની ક્લબ શરૂ થઈ હતી. શ્રાવણ મહિના પહેલાથી પોલીસ અને પ્રશાસનની મીઠી નજર હેઠળ આ જુગારધામોમાં રોજનો કરોડોનો જુગાર રમાઈ રહ્યો હતો. જેમાં હવે શ્રાવણ મહિનો પૂરો થવા આડે ગણતરીના દિવસો જ બાકી રહ્યા છે. ત્યારે પોલીસે પોતાનું શૂરાતન બતાવી આવી જુગાર ક્લબ પર છાપા મારવાનું શરૂ કર્યું છે.
દમણ પોલીસને બુધવારે મળેલી બાતમી આધારે દેવકા, ભંડારવાડ માં આવેલ હોટેલ સાયલેન્ટમાં છાપો માર્યો હતો. જેમાં 15 જુગારીયાઓને 1,05,200 રૂપિયાની રોકડ રકમ સાથે દબોચી લીધા હતાં. જે અંગે દમણ પોલીસે એક અખબારી યાદી બહાર પાડી વિગતો આપી હતી કે, દમણ પોલીસને ગુપ્ત સૂત્રો પાસેથી માહિતી મળી હતી કે, હોટેલ સાયલન્ટમાં ગેરકાયદે પ્રવૃત્તિ ચાલી રહી છે. જેના આધારે પોલીસ ટીમ બનાવવામાં આવી હતી અને ટીમ દ્વારા દેવકા ભંડારવાડ સ્થિત હોટલ સાયલન્ટ પર દરોડો પાડવામાં આવ્યો હતો. જ્યાં જાણવા મળ્યું હતું કે તાસના પત્તાનો જુગાર રમાઈ રહ્યો છે.
પોલીસે જુગારના દાવ રમતા 15 લોકોને રંગે હાથે પકડયા હતા. આરોપીઓ પાસેથી ગંજીપાની 24 ગડીઓ અને રોકડા 1,05,200 રૂપિયા મળી આવ્યા હતા. પોલીસે આ અંગે કોસ્ટલ પોલીસ સ્ટેશન, કડૈયા ખાતે કલમ 3, 4, 7 GDDPG (ગોવા, દમણ અને દીવ પબ્લિક ગેમ્બલિંગ) અધિનિયમ 1976 હેઠળ FIR નોંધી તમામ આરોપીઓની ધરપકડ કરી આગળની કાર્યવાહી હાથ ધરી છે.
ઉલ્લેખનીય છે કે પકડાયેલ 15 જુગારીયાઓ પૈકી 2 દમણના, 10 વલસાડના, 1 પારડીનો અને 2 ઉમરગામના છે. જેમના નામ નીચે મુજબ છે.
1, સંકેત પ્રદીપ ભરૂકા, ઉંમર:- 36 વર્ષ, રહેવાસી :- હોટેલ સાયલન્ટ, દેવકા ભંડારવાડ, નાની દમણ, નવરંગ એપાર્ટમેન્ટ, ફ્લેટ નં.01, મચ્છી માર્કેટ નજીક, નાની દમણ,
2, મિશાલ ઉત્તમ પટેલ, ઉંમર: – 24, રહેવાસી: મોટી દમણ
3, શેખ મહમદ ઝુબેર મુસ્તાક મહમદ, ઉંમર : – 32 વર્ષ, રહેવાસી : – ચીવલ રોડ, મરિમાતા મંદિર, પારડી, વલસાડ,
4, હર્ષદ પ્રભુભાઈ ટંડેલ, ઉંમર – 29 વર્ષ રહેવાસી :- સુધાદ ફળિયા, વલસાડ,
5, ઇમ્તિયાઝ મુસ્તિફા શેખ, ઉંમર: – 54 વર્ષ, વલસાડ
6, સુધીર સદાશિવ કનાડે, ઉંમર:- 58 વર્ષ, રહેવાસી :- સાગર એપાર્ટમેન્ટ, વલસાડ,
7, મુનશીલાલ રામ્યાદ નિશાંત, ઉંમર: -42 વર્ષ, રહેવાસી : – અમુનગર, મોગરાવાડી, વલસાડ,
8, સાગર કાંતિભાઈ ધીમર, ઉંમર – 30, રહેવાસી :- ધીમર શેરી, વલસાડ,
9, અશ્વિન નારણ ધીમ્મર, ધીમ્મર શેરી, વલસાડ
10, ગણેશ રામુભાઈ નાયડુ, ઉંમર: – 43 વર્ષ, રહેવાસી : -303 A, સિદ્ધિ વિનાયક,
11, ગુલાબ હુસૈન સૈયદ શેખ, 52 વર્ષ, ખાટકીવાડ વલસાડ
12, શેખર તેવર ચિન્નાથંબી તેવર, ઉંમર: -47 વર્ષ, રહેવાસી :- મોગરાવાડી, વલસાડ
13, ઇમ્તિયાઝ અહેમદ કોલીવાડા ઉંમર: – 55 વર્ષ નિવાસી: -અમરીન એપાર્ટમેન્ટ, ઘાંચીવાડ, વલસાડ
14, બહાઉદ્દીન હૈદરલી ખાન, ઉંમર – 50 વર્ષ, રહેવાસી: – કલ્પપતારૂ સોસાયટી, 303/1, ઉમરગામ
15, તનવીર અહેમદભાઈ વિહોરા, ઉંમર: – 37 વર્ષ, રહેવાસી :- શ્રીનિવાસ એપાર્ટમેન્ટ, ગાંધીવાડી, ઉમરગાંવ,