શેરડીનો તમામ ભાવ તેની રિકવરી પર આધાર રાખે છે. સામાન્ય રીતે 13 થી 16 મહિના સુધીની જે શેરડી હોય તે શેરડી સારી રિકવરી આપતી શેરડી કહેવામાં આવે છે. જ્યારે નવથી દસ મહિનામાં જે શેરડીનું કટીંગ કરવામાં આવે છે. તેમાંથી જોઈએ તેવી રિકવરી અથવા તો ઉત્પાદન થતું નથી. વલસાડ સુગર ફેક્ટરીમાં નવેમ્બર ડિસેમ્બર જાન્યુઆરીમાં શેરડી આવવાની શરૂ થાય છે જેનો રિકવરી રેટ 9 થી 10% હોય છે જ્યારે ફેબ્રુઆરી માર્ચ અને એપ્રિલ આ ગાળામાં સૌથી વધુ રિકવરી મળી શકતી હોય તે સમયે જ રજીસ્ટર્ડ કેન વાળા ગ્રાહકો નહિ મળતા ફેક્ટરીને બંધ કરવી પડે છે.
શેરડીમાંથી ખાંડ ના ઉત્પાદન અંગે ચેરમેન અરવિંદભાઈ પટેલે જણાવ્યું હતું કે, શેરડીમાંથી બનતી ખાંડનું સારું ઉત્પાદન શેરડી કેટલા મહિના બાદ સુગર ફેકટરીમાં આવે છે. તેના પર આધારિત છે. જેને મહિના મુજબ રિકવરી ટકાવારીમાં ગણતરી કરાય છે. એટલે એમ કહી શકાય કે 10% રિકવરી હોય તો એક ટન શેરડીમાંથી એક ક્વિન્ટલ ખાંડ બને પરંતુ જો તે 13 રિકવરી ધરાવતી શેરડી હોય તો તેમાંથી 130 ક્વિન્ટલ ખાંડ બને પરંતુ 9 ટકા જ હોય તો તેમાંથી 90 kg ખાંડ બને. આ ગુણવત્તા યુક્ત તબક્કામાં સૌથી મોટી સમસ્યા એ છે કે વલસાડ સુગર ફેક્ટરીમાં નવેમ્બર ડિસેમ્બર જાન્યુઆરીમાં શેરડી આવવાની શરૂ થાય છે જેનો રિકવરી રેટ 9 થી 10% હોય છે. મતલબ કે 9 મહિના આસપાસમાં તૈયાર થયેલ શેરડી કટિંગ કરી ખેડૂતો સુગર મિલમાં મોકલી આપે છે.
જ્યારે ફેબ્રુઆરી માર્ચ અને એપ્રિલ આ ગાળામાં સૌથી વધુ રિકવરી મળી શકતી હોય છે. તે સમયે ખેતરમાં વાવેલી શેરડી 12 થી 14 મહિનાની હોય છે. જેના પીલાણમાંથી ખાંડ નું વધુ ઉત્પાદન મેળવી શકાય છે. જો કે વલસાડ જિલ્લામાં તે સમયે રજીસ્ટર્ડ કેન વાળા ગ્રાહકો ના હોય ફેક્ટરીને બંધ કરવી પડે છે. એટલે ખેડૂતોને ઓછા ભાવ મળતા હોય ખેડૂતો પણ જ્યાં વધુ ભાવ મળે તે તરફ આકર્ષાય છે.
