દમણ પોલીસે સફળતાપૂર્વક દરોડો પાડી 3.573 કિલો ગાંજા સાથે 03 શખ્સોની ધરપકડ કરી છે. આ વખતે પણ આ ગાંજાનો જથ્થો દમણના ડાભેલ વિસ્તારમાંથી જ ઝડપાયો છે. દમણ પોલીસે ડાભેલ વિસ્તારમાં આવેલ નેકી કોમ્પ્લેક્ષ ની મહાવીર ઈલેક્ટ્રોનિક્સ એન્ડ મોબાઈલ શોપ નામની દુકાનમાં દરોડો પાડી આ જથ્થો ઝડપ્યો છે.
જે અંગે દમણ પોલીસે વિગતો આપી હતી કે, <span;>દમણ પોલીસે ડાભેલ વિસ્તારમાં આવેલ નેકી કોમ્પ્લેક્ષ ની મહાવીર ઈલેક્ટ્રોનિક્સ એન્ડ મોબાઈલ શોપ નામની દુકાનમાં દરોડો પાડ્યો હતો. જ્યાં ગેરકાયદેસર રીતે રાખવામાં આવેલ ગાંજા જેવો નશો સામાન્ય લોકોને વેચવામાં આવતો હતો. પોલીસે દરોડો પાડીને લીલા રંગના પદાર્થનો જંગી જથ્થો જપ્ત કર્યો હતો ,
આ જથ્થા ને FSL વલસાડની ટીમ દ્વારા ગાંજા તરીકે ઓળખવામાં આવ્યો હતો. જેનું કુલ વજન 3.573 કિલો હતું. આ સંદર્ભે નાની દમણ પોલીસ સ્ટેશનમાં NDPS Act મુજબ ગુન્હો નોંધી આરોપીઓ (1) સંતોષકુમાર અજયપ્રસાદ મહંતો સરનામું : – સુરેશભાઈ ચાલ , આમલીયા, ડાભેલ, નાની દમણ (2) સુરજ શાહ ચમરુશા સરનામું : – અમલીયા , ડાભેલ , નાની દમણ (3) મુન્નાવર અલી શેખ સરનામું : – ભસરોલ, નાની દમણને ઝડપી પાડી વધુ તપાસ હાથ ધરી છે. જો કે દમણ પોલીસે જાહેર કરેલ અખબારી યાદીમાં ગાંજાની કુલ કેટલી કિંમત છે તેનો ઉલ્લેખ કરાયો નથી. હાલમાં 3.573 કિલો ગાંજો, 4 મોબાઈલ ફોન જપ્ત કર્યા છે. ગાંજાનો આ જથ્થો આરોપીઓ ક્યાંથી લાવ્યા છે. અને કોને કોને વેંચતા હતા તે દિશામાં તપાસના ચક્રો ગતિમાન કર્યા છે.