ડૉ. તેજસ દોશીએ બોર્ડની પરીક્ષા આપનાર વિદ્યાર્થીઓ માટે આપી આ ખાસ ટિપ્સ

ગુજરાતમાં 14મી માર્ચથી ધોરણ 10 અને 12ની પરીક્ષાઓ શરૂ થઈ રહી છે. ત્યારે, પરીક્ષામાં સારા માર્ક્સ સાથે પાસ થવા માંગતા તમામ વિદ્યાર્થીઓ ને ભાવનગરના તબીબ ડૉ. તેજસ દોશીએ કેટલીક ખાસ ટિપ્સ આપી છે. બોર્ડની પરીક્ષા દરમિયાન વિદ્યાર્થીઓને ખાસ ધ્યાનમાં રાખવા જેવી બાબતો જણાવતા પહેલા ધોરણ 10 અને ધોરણ 12ના તમામ દીકરા-દીકરીઓને ખુબ ખુબ શુભેચ્છા આપી છે.

બોર્ડ પરીક્ષા દરમિયાન ધ્યાન રાખવાના મુદ્દાઓ નીચે મુજબ છે………

1. તમારો વિશ્વાસ દ્રઢ રાખો
2. પરીક્ષાની હોલ ટિકિટ સાથે રાખો.
3. કાંડા ઘડિયાળ અચૂક લઇ જાઓ.
4. પરીક્ષા પહેલા ઘરેથી પાણી પીને નીકળો.
5. પરીક્ષા સમયગાળા દરમિયાન ખાવામાં ધ્યાન રાખો.
6. હોલ ટિકિટની ઝેરોઝ કઢાવી રાખો.
7. પ્રતિબંધિત કેલ્ક્યુલેટર, મોબાઈલ કે અન્ય સાહિત્ય સાથે ના રાખો.
8. exam પારદર્શક પેડ સાથે રાખો.
9. પારદર્શક કમ્પાસમાં પુરા અને સારા સાધનો રાખો.. બુઠા અને જુના સાધનો તકલીફ કરશે.
10. OMR શીટ ભરવામાં ઉતાવળ કરશો નહિ.
11. Superviser સાહેબ તમને OMR  શીટ ભરવામાં મદદ કરશે.
12. હાથ ઉંચો કરી સાહેબને તમારા પ્રશ્નો (પરીક્ષા સિવાયના), સમસ્યાઓનું નિરાકરણ કરવા વિનંતી કરશો. They will definitely help you.
14. પુરવણીમાં કોઈ પણ પ્રકારનું ચિન્હ કરવું નહિ, જેમ કે 786 લખવું, શ્રી ગણેશ લખવું વગેરે.
14. સ્પ્રે કે અત્તર ન લગાવવું.
15. Superviser સાહેબની તમામ સુચનાઓનો કડક અમલ કરવો.
16. કપડાં નવા હોય તેના કરતાં સહુલતવાળા હોય તો સારું.
17. પાર્ટ A અને પાર્ટ B માં બધા પ્રશ્નો લખવા. પ્રશ્નો છોડવા નહિ.
18. OMR શીટ ભરતી વખતે ફૂટપટ્ટી નો ઉપયોગ કરવાથી પ્રશ્નોનોના જવાબનો ક્રમ બદલવાનો ભય રહેશે નહિ.
19. પરીક્ષાનું પેપર પૂરું થાય કે તરત જ ઘરે પહોંચવું… પપ્પા મમ્મી રાહ જોઈ રહ્યા હોય છે.
20. જે પ્રશ્નપત્ર પૂરું થયું હોય તેની ચર્ચા ટૂંકમાં કરી પછીના પેપરની તૈયારીમાં લાગી જાઓ.
21. યાદ રાખો…. આ તમારી છેલ્લી પરીક્ષા નથી. ઉત્સાહ અને આત્મવિશ્વાસથી પરીક્ષા આપો.
22. યાદ રાખો…. ઈશ્વર, હમેશા તમારી પડખે છે
23. પરીક્ષા દરમિયાન ખાસ હળવો અને પૌષ્ટિક ખોરાક લ્યો
24. ઊંઘ 6 થી 7 કલાકની વ્યવસ્થિત રીતે લો
25. પરીક્ષા દરમિયાન બહારના ખોરાક ખાસ ન લેવા

આ મહત્વની ટિપ્સ આપનાર ભાવનગરના ડો. તેજસ દોશીએ વિદ્યાર્થીઓ આખા વર્ષની અથાક મહેનત વડે જે બધું સમજ્યા એ બધું જ પરીક્ષાખંડમાં યાદ આવતું જાય અને કલમ સડસડાટ ચાલે, માતાપિતાનું નામ રોશન કરો એવી શુભેચ્છાઓ પાઠવી છે.