સંઘપ્રદેશ દાદરા નગર હવેલીમાં પાવર ડિસ્ટ્રિબ્યુશન કોર્પોરેશન લિમિટેડ 31મી માર્ચ 2022 સુધી કેન્દ્રશાસિત પ્રદેશ દાદરા અને નગર હવેલી અને દમણ-દીવ પ્રશાસન હેઠળ ચાલી રહી છે. તેમણે વીજ ગ્રાહકોને સસ્તી વીજળી પૂરી પાડવા છતાં છેલ્લા નાણાકીય વર્ષમાં 105 કરોડનો નફો મેળવ્યો છે.
કેન્દ્રશાસિત પ્રદેશના પ્રશાસક પ્રફુલ્લ પટેલના નેતૃત્વ અને માર્ગદર્શનમાં દાદરા નગર હવેલી વિદ્યુત નિગમે હજારો વીજ ગ્રાહકોને સસ્તી વીજળી અને સારી સેવા આપવા છતાં પણ નફો કર્યો છે. DNH PDCL દ્વારા જારી કરવામાં આવેલી પ્રેસ રિલીઝમાં જણાવવામાં આવ્યું છે કે, DNH પાવર ડિસ્ટ્રિબ્યુશન કોર્પોરેશન લિમિટેડ (DNHPDCL) ના બોર્ડ ઓફ ડિરેક્ટર્સની 39મી મીટિંગ 3જી જૂનના રોજ છેલ્લા નાણાકીય વર્ષ 2021-22 ના નાણાકીય નિવેદનો માટે યોજાઈ હતી.
નાણાકીય વર્ષ 2021-22 માટે ટ્રાન્સમિશન અને વિતરણ ખાધ પ્રભાવશાળી 2.89% હતી. 2016-17માં, આ T&D ખાધ 5.40% હતી. આ T&D ખોટ દેશમાં સૌથી ઓછી છે જે કોર્પોરેશનની અસાધારણ સિદ્ધિ દર્શાવે છે.
ઔદ્યોગિક ગ્રાહકોને સરેરાશ વીજ પુરવઠો હંમેશા પ્રતિ યુનિટ 5 રૂપિયાની આસપાસ રહ્યો છે. નાણાકીય વર્ષ 2021-22 માટે સરેરાશ ઔદ્યોગિક ખર્ચ યુનિટ દીઠ રૂ. 5.34 છે, જે દેશમાં સૌથી ઓછો છે, જ્યારે ગુજરાત અને મહારાષ્ટ્રમાં ઔદ્યોગિક ગ્રાહકો માટે પુરવઠાની કિંમત લગભગ 7.75 રૂપિયા પ્રતિ યુનિટ છે.