વાપીમાં VIA ક્રિકેટ ગ્રાઉન્ડ પર ક્રિકેટ ટુર્નામેન્ટનું આયોજન કરવામાં આવ્યું હતું. વાપીમાં ટ્રાન્સપોર્ટ ઉદ્યોગક્ષેત્રે સંકળાયેલ ટ્રાન્સપોર્ટરો દ્વારા વાપી યુથ સેવા ચેરીટેબલ ટ્રસ્ટ નામનું રજીસ્ટર્ડ ટ્રસ્ટ છે. જેના બેનર હેઠળ ક્રિકેટ ટુર્નામેન્ટનું આયોજન કરવામાં આવે છે. જેના થકી મળતી રકમ નેત્ર હીન લોકો માટે, ગરીબ બાળકોના શિક્ષણ માટે વાપરવામાં આવે છે.
આ વર્ષે યોજાનાર આ ક્રિકેટ ટુર્નામેન્ટ વાપી યુથ સેવા ચેરીટેબલ ટ્રસ્ટ દ્વારા VTPL-4 (વાપી ટ્રાન્સપોર્ટ પ્રીમિયર લીગ) ના બેનર હેઠળ આયોજિત કરવામાં આવી હતી. ક્રિકેટ ટુર્નામેન્ટમાં અલગ અલગ ટીમો વચ્ચે ક્રિકેટ મેચ રમાઈ હતી. 8 ઓવરની મેચમાં વિજેતા ટીમને અને રનર્સ અપ ટીમને રોકડ રકમ તેમજ ટ્રોફી આપી સન્માનિત કરવામાં આવ્યા હતાં.
વાપી યુથ સેવા ચેરીટેબલ ટ્રસ્ટ દ્વારા આયોજિત ત્રિદિવસીય VTPL-4 ક્રિકેટ ટુર્નામેન્ટમાં જે પણ ખેલાડીઓ પસંદ કરવામાં આવ્યા છે. તે તમામ ટ્રાન્સપોર્ટ ઉદ્યોગ સાથે સંકળાયેલ છે. જેઓને ટ્રાન્સપોર્ટરોએ જ સ્પોન્સર્સ કર્યા છે. ટુર્નામેન્ટમાં જે પણ રકમ મળે છે તે રકમ શિક્ષણ માટે ગરીબ બાળકોને તેમજ નેત્રહીન બાળકોના ભવિષ્યને સુનિશ્ચિત કરવાના કાર્યમાં વાપરવામાં આવે છે. તેમજ આ વર્ષે ક્રિકેટ ગ્રાઉન્ડમાં આઈ ચેક અપ, હેલ્થ ચેક અપ કેમ્પનું પણ આયોજન કરવામાં આવ્યું હતું. જેનો લાભ મોટી સંખ્યામાં આવેલ જરૂરિયાત મંદોએ લીધો હતો. તો, વાપીમાં બિનવારસી લાશ ને દફનાવવાનું તેમજ અગ્નિ સંસ્કારની સેવા કરતા જમીયતે ઉલમાં ટ્રસ્ટ વાપીના ઇન્તેખાબ ખાન અને તેમની ટીમને બોલાવી સન્માન કરી તેઓને પણ જરૂરી રકમની મદદ પુરી પાડી હતી.
ઉલ્લેખનીય છે કે, ટુર્નામેન્ટ માટે તમામ નિયમો પણ IPL ફોર્મેટ ના રાખવામાં આવ્યા હતા. ઓક્શન દ્વારા ખેલાડીઓની ખરીદી કર્યા બાદ 15 ખેલાડીઓ ની એક ટીમ તૈયાર કરવામાં આવી હતી. આ ટુર્નામેન્ટના આયોજન અંગે ટ્રસ્ટના પ્રમુખ સુનિલ સિંગ, ઉપપ્રમુખ દિપુ તેમજ સભ્યો પંકજ વર્મા, અજમેર સિંગ, રિઝવાન, ગોવિંદ સેન, સુનિલ કસવાન, પંકજ ચૌધરી, અફસાર અલી, મોહંમદ, સોનુ દાદા સૌ ઉપસ્થિત રહ્યા હતા. તમામે ખેલાડીઓને ઉત્કૃષ્ઠ પ્રદર્શન કરવા પ્રોત્સાહન પૂરું પાડ્યું હતું. ફાઇનલ મેચમાં વિજેતાઓને તેમજ ઉત્કૃષ્ટ પ્રદર્શન કરનાર દરેક ખેલાડી, દરેક ટીમને ટ્રોફી અને રોકડ રકમ આપી સન્માનિત કરવામાં આવ્યા હતાં.
