વલસાડ જિલ્લાના વાપી નજીક અમદાવાદ મુંબઈ નેશનલ હાઈવે પર પાંચ ટ્રકો વચ્ચે વિચિત્ર અકસ્માત સર્જાયો હતો. હાઇવે પર ઉભી રહેલી ટ્રકની પાછળ એક પછી એક અન્ય ચાર ટ્રકો પણ ટકરાઈ હતી. ઘટનાને કારણે હાઇવે પર ટ્રાફિકજામના દ્રશ્ય સર્જાયા હતા.
બનાવની જાણ થતાં જ પોલીસની ટીમ તાત્કાલિક સ્થળ પર પહોંચી હતી. અને હાઇવે પરનો વાહન વ્યવહાર યથાવત કરવા પ્રયાસ હાથ ધર્યા હતા. બનાવની વિગત મુજબ વાપીના બલિઠા નજીક અમદાવાદ મુંબઈ નેશનલ હાઈવે પર એક ટ્રક ઉભી હતી. એ વખતે જ આ ઉભેલી ટ્રકની પાછળ એક પછી એક અન્ય ચાર ટ્રકો ટકરાઈ હતી.
આમ પાંચ ટ્રકો વચ્ચે સર્જાયેલા અકસ્માતમાં તમામ ટ્રકના ચાલકોને નાની મોટી ઈજા થઈ હતી. જેમને સારવાર માટે હોસ્પિટલ ખસેડવામાં આવ્યા હતા. ઘટનામાં કોઈ જાનહાનિ થઈ નહોતી. પરંતુ તમામ પાંચેય ટ્રકોને નુકસાન થયું હતું.
