મકરસંક્રાંતિના પર્વે સરીગામની શ્રી યુવા શક્તિ ચેરીટેબલ ટ્રસ્ટ અને ઉદ્યોગપતિઓ દ્વારા પ્રજ્ઞાચક્ષુઓને અન્નદાન સહિત રોકડ સહાય કરી પવિત્ર તહેવારે પુણ્ય અને ધન્યતાનો લાભ લેવામાં આવ્યો.
ઉમરગામ તાલુકાના સરીગામ રાકેશ રાયના પેટ્રોલ પંપ ઓફિસ ખાતે શ્રી યુવા શક્તિ ચેરીટેબલ ટ્રસ્ટના ચેરમેન રાકેશ રાયના અધ્યક્ષતામાં અને ઉધોગપતિઓના સાથ સહકાર થકી મકર સંક્રાંતિના પવિત્ર તહેવાર અને અવસરે ઔદ્યોગિક વસાહતમાં છેલ્લા ત્રણ વર્ષથી રહેતા અને કામ કરી રોજીરોટી મેળવનાર પ્રજ્ઞાચક્ષુ દંપતિઓને ભરપૂર અનાજનું દાન સહિત જીવન જરૂરિયાતોની અન્ય વસ્તુ સાથે રોકડ રકમની સહાય કરી પુણ્ય અને ધન્યતાનો લાભ લીધો હતો.
આ કાર્યક્રમની દિશા બતાવનાર કમલેશ પંડિત, હસમુખભાઈ સરવૈયા, ઉદ્યોગપતિ વિજય ગજેરા, પ્રકાશ રાવલ,ઉદ્યોગપતિ પલ્લવ ઠાકર મુખ્ય દાતા બની એમણે પણ ધન્યતાનો લાભ લીધો હતો.
જ્યારે, રોકડ રકમની સહાય યુવા શક્તિ ચેરીટેબલ ટ્રસ્ટ સરીગામના ચેરમેન રાકેશ રાય, સરીગામ ગ્રા.પ.ના સેવાભાવી સરપંચ સહદેવ વઘાત, ટ્રસ્ટી રાજેશ ચૌધરી અને કલગામના ઉપસરપંચ યુવા રસીક પટેલના વરદ હસ્તે સહાય અર્પણ કરવામાં આવી હતી.તે સાથે તમામ પ્રજ્ઞાચક્ષુ લાભાર્થીઓની સારી તંદુરસ્તી અર્થે પ્રાર્થના કરવામાં આવી હતી.