વાપીમાં ઉચ્ચ અભ્યાસ માટે જાણીતી ચણોદ કોલોની સ્થિત કેશવજી ભારમલ સુમેરીયા કોમર્સ એન્ડ પ્રોફેશનલ સાયન્સીઝ કોલેજ વાપીના વિધાર્થીનીઓની ચેસ ટુર્નામેન્ટમાં શતરંજની બાજી ખેલવા પસંદગી થતા કોલેજનું નામ રોશન કર્યું છે.
KBS કોલેજ દ્વારા વિદ્યાર્થીઓને દરેક રમતો માટે યોગ્ય તાલીમ તેમજ માર્ગદર્શન પૂરું પાડવામાં આવે છે. જે અંતર્ગત કોલેજની વિધાર્થીનીઓ દિવ્યા માહ્યાવંશી (M.Com.II), કિરણ ચૌહાણ (T.Y.B.Com) અને ફિયા બિન્ની (T.Y.B.Com) વીર નર્મદ દક્ષિણ ગુજરાત યુનિવર્સિટી સુરત સંદર્ભિત યોજાયેલ ચેસ ટુર્નામેન્ટમાં ઉત્કૃષ્ઠ દેખાવ કરતા ઓલ ઈન્ડિયા ઈન્ટર યુનિવર્સિટી ચેસ ટુર્નામેન્ટ (ગર્લ્સ) માં પસંદગી થઈ છે.
આ ખેલાડી મિત્રોને જરૂરી માર્ગદર્શન અને તાલીમ કોલેજના શારીરિક શિક્ષણના મદદનીશ પ્રાધ્યપક ડો. મયુર પટેલે પૂરૂ પાડયુ હતું. આમ સમગ્ર યુનિવર્સિટીમાં કોલેજનું નામ રોશન કરવા બદલ કોલેજના આચાર્ય ડો. પૂનમ બી. ચૌહાણે વિધાર્થીનીઓને શુભકામના આપવા સાથે માર્ગદર્શકનો આભાર વ્યક્ત કર્યો હતો. ભવિષ્યમાં પણ કોલેજનું નામ રોશન કરવા માટે પ્રોત્સાહન પૂરું પાડી અભિનંદન પાઠવ્યા હતાં.