વાપીથી 36 કિલોમીટર દૂર મહારાષ્ટ્રના પાલઘર જિલ્લાના કુર્ઝે અને સુત્રાપાડા ગામ નજીક વહેલી સવારે 2 ભૂકંપના આંચકાથી મીઠી નીંદર રહેલા લોકો સફાળા જાગી ગયા હતાં. વહેલી સવારે 5:32 વાગ્યે 2.2 ની તીવ્રતાનો અને 5:35 વાગ્યે 3.6ની તીવ્રતાના આ આફટરશોક હતાં.
પાલઘર તાલુકામાં નોંધાયેલ આ આંચકા અંગે સિસમોલોજિકલ વિભાગ ગાંધીનગરના જણાવ્યા મુજબ બને આંચકાનું કેન્દ્ર બિંદુ વલસાડ જિલ્લાના વાપીથી 36 અને 33 કિલોમીટર દૂર નોંધાયું હતું. જે મહારાષ્ટ્રના પાલઘર જિલ્લામાં તલાસરી તાલુકામાં આવેલ કુર્ઝે ગામ અને સુત્રાપાડા ગામ નજીક હતું.
વહેલી સવારે 5:32 વાગ્યે આવેલ પ્રથમ આંચકો 2.2 રિકટર સ્કેલનો હતો. જ્યારે તે બાદ 5:35 વાગ્યે આવેલ આંચકો 3.6 રિકટર સ્કેલનો હતો. Letutude મુજબ 20.152 અને Longitude મુજબ 72.901 પર જમીનમાં 10 કિલોમીટર નીચે પ્રથમ આંચકો અનુભવાયો હતો. જ્યારે 5:35 વાગ્યે 3.6 રિકટર સ્કેલનો નોંધાયેલ આંચકો Letutude મુજબ 20.116 અને Longitude મુજબ 72.941 પર જમીનમાં 1.1 કિલોમીટર નીચે નોંધાયો હતો.
બીજો આંચકો ગુજરાત, મહારાષ્ટ્ર અને દાદરા નગર હવેલીના સુરંગી, વેલુંગામ, ખાનવેલ નજીક આવ્યો હોય આ વિસ્તારમાં લોકો ગભરાટના માર્યા સફાળા જાગી ગયા હતા. જો કે ભૂકંપના આંચકાથી કોઈ જાનહાની થઈ નથી.