સતત દોડધામ ભરી ફરજમાં કર્મચારીઓ પોતાના સહકર્મચારીઓ સાથે હળવાશની પળો માણી શકે, તણાવ ભર્યા જીવનમાં ચિંતામુક્ત બની ખેલકુદનો આનંદ ઉઠાવી શકે તેવા ઉદ્દેશ્યથી વલસાડ-નવસારી-ડાંગ જિલ્લા 108 ઈમરજન્સી સેવા દ્વારા 2 દિવસીય ક્રિકેટ મેચનું આયોજન કરવામાં આવ્યું હતું .
108 ઈમરજન્સી સેવા, મોબાઈલ હેલ્થ યુનિટ, ખિલખિલાટ, મોબાઈલ વેટરનરી ડિસ્પેન્સરી, અભયમ વિગેરેના કર્મચારીઓ માટે તેજલાવ ક્રિકેટ ગ્રાઉન્ડ પર ક્રિકેટ મેચનું આયોજન કરવામા આવ્યુ હતુ. જેમા ફાઇનલ મેચ નવસારી 108 ટીમ અને મોબાઈલ વેટરનરી ડિસ્પેન્સરી ટીમ વચ્ચે યોજાઈ હતી. જેમા મોબાઈલ વેટરનરી ડિસ્પેન્સરી ટીમનો વિજય થયો હતો.
આ ક્રિકેટ મેચ આયોજનનો મુખ્ય હેતુ કામ ની વચ્ચે હળવાશની પળો માણવાનો અને દરેક કર્મચારીઓ વચ્ચે ટીમ ભાવના કેળવાય એ હતો. આ સમગ્ર મેચ દરમિયાન નવસારી, વલસાડ અને ડાંગ ના પ્રોગ્રામ મેનેજર ધવલ પારેખ તથા મોબાઈલ વેટેનરી dispensary ના પ્રોગ્રામ મેનેજર પણ હાજર રહ્યા હતા. મેચમાં બેસ્ટ બોલર મેન ઓફ ધ સીરીઝ બેસ્ટ બેસ્ટ મેન વગેરે ઇનામો આપી સન્માનિત કરવામાં આવ્યા હતા.