વલસાડ જિલ્લાના ઉમરગામ તાલુકામાં આવેલ સરીગામ GIDC ના ઉદ્યોગકારો માટે ઔદ્યોગિક જાગૃતતા સેમિનારનું આયોજન કરવામાં આવ્યું હતું.
મંગળવારે સરીગામ UIA ના હોલમાં આયોજિત આ સેમિનાર Sarigam Industries Association, Bureau of Indian Standards, District Industries Center Valsadના સંયુક્ત ઉપક્રમે આયોજિત કરવામાં આવ્યો હતો. જેમાં BIS સુરતના અધિકારી દ્વારા Industrial Awerness, Incentive Scheme of Government of Gujarat Under Industrial Policy અંગે ઉદ્યોગકારોને વિસ્તૃત માહિતી પ્રદાન કરવામાં આવી હતી.
ભારતીય માનક બ્યૂરો (BIS) સુરત દ્વારા SIA હેઠળ આવતા ઉદ્યોગો માટે આયોજિત આ ઔદ્યોગિક જાગૃતતા કાર્યક્રમમાં BIS સુરતના ડિરેક્ટર અને હેડ એસ. કે. સિંહ, ડેપ્યુટી ડિરેક્ટર કુંજન કુમાર આનંદ તેમજ સરીગામ ઈન્ડસ્ટ્રીઝ એસોસિએશના પ્રમુખ નિર્મલ દૂધાની, ઉપપ્રમુખ કમલેશ વાસવાની તેમજ સેક્રેટરી કૌશિક પટેલ હાજર રહ્યા હતા.
જેઓ દ્વારા BIS પ્રમાણન મેળવવાની પ્રક્રિયાઓ, e-BIS અને BIS કેર એપ્લિકેશન અને BISની તાજેતરની પહેલોની માનકીકરણ અને ગુણવત્તા પ્રમાણન પ્રવૃત્તિઓ પર ચર્ચા કરવામાં આવી. તો એ ઉપરાંત ઉત્પાદનો પર પ્રકાશિત ભારતીય ધોરણોની ઝાંખી કે જેના માટે ભારત સરકાર દ્વારા QCOs જારી કરવામાં આવ્યા છે. જેની માહિતી BIS ના અધિકારીઓ દ્વારા સરીગામ SIA ના સભ્યોને આપવામાં આવી.
ઉલ્લેખનીય છે કે આ સેમિનારમાં BIS દ્વારા ફરજિયાત પ્રમાણપત્ર વિશે ભારત સરકાર દ્વારા જારી કરાયેલ ગુણવત્તા નિયંત્રણ આદેશોની જોગવાઈઓ અને BIS એક્ટ 2016 ની જોગવાઈઓની જાણકારી આપી હતી. તેમજ ઉદ્યોગકારોના મંતવ્યો જાણી ખુલ્લી ચર્ચા કરી હતી.
