વલસાડ જિલ્લાના ઉમરગામ GIDC માં આવેલ પ્લે ગ્રાઉન્ડ ખાતે UIA દ્વારા ભવ્ય EXPO નું આયોજન કરવામાં આવ્યું છે. જેના પ્રચાર પ્રસાર માટે UIA પ્રમુખ નરેશ બાંથિયા, Expo ચેરમેન વિપુલ પંચાલ દ્વારા સોશ્યલ મીડિયાના માધ્યમથી પત્રકારો, ઉદ્યોગકારો, શહેરીજનોને વિશેષ આમંત્રણ પાઠવવામાં આવ્યું છે.
ઉમરગામ ઇન્ડસ્ટ્રીઝ એસોસિએશન (UIA)ના પ્રમુખ નરેશ બાંથિયાએ આ અંગે વિગતો આપી છે કે, UIA દ્વારા આગામી 14, 15 અને 16 ડિસેમ્બર એમ ત્રિદિવસીય ઉમરગામ ઇન્ડસ્ટ્રીયલ એક્સપો 2024નું આયોજન કરવામાં આવ્યું છે. આ એક્સપો ઉમરગામ GIDC માં આવેલ પ્લે ગ્રાઉન્ડ ખાતે યોજાનાર છે.
એક્સપોમાં ઉમરગામ GIDC માં કાર્યરત એકમો ઉપરાંત વલસાડ જિલ્લામાં આવેલ વાપી, સરીગામ GIDC માં કાર્યરત એકમો પોતાના પ્રોડકટનું વેંચાણ તેમજ પ્રદર્શન કરી શકે તે માટે વિવિધ સ્ટોલ ફાળવવામાં આવ્યાં છે. જેના થકી દરેક એકમો પોતાના ઉત્પાદનનું બહોળું માર્કેટ પ્રાપ્ત કરી શકેશે.
કંપનીઓના ઉત્પાદનને નવી દિશા આપવાના આ પ્રયાસમાં મીડિયા પણ સહભાગી બને તેવો ઉદ્દેશ્ય UIA સેવી રહ્યું છે. જેથી મીડિયાને પણ વિશેષ આમંત્રણ પાઠવવામાં આવ્યું છે. ઉલ્લેખનીય છે કે, આ ત્રિદિવસીય Umargam Industrial EXPO 2024માં ઉમરગામમાં સ્થિત Doms, Citizen, Hindustan Pencils, Everest જેવા મોટા ગજાના એકમો સ્પોન્સર્સ તરીકે જોડાયા છે. એક્સપોને સફળ બનાવવા UIA દ્વારા ભરપૂર પ્રચાર પ્રસાર કરાઈ રહ્યો છે.
