સરીગામ ખાતે આવેલ શ્રીમતી શાંતાબેન હરિભાઈ ગજેરા ટ્રસ્ટ સંચાલિત પ્રિ-પ્રાઇમરી લક્ષ્મી ઇન્ટરનેશનલ શાળામાં તારીખ 30/11/2024 ના દિને વાર્ષિક રમોત્સવ કાર્યક્રમનું આયોજન કરવામાં આવ્યું.
આ વાર્ષિક રમોત્સવમાં પ્રિ-પ્રાઈમરીના જુનિયર કે.જી. તથા સિનીયર કે.જી.ના બાળકોએ પીન ધ નોઝ, હરડલ્સ દોડ, રિલે દોડ, બોટલ બેલેસીંગ, હુલા હૂપ વૉકિંગ, એક્વા પ્લે, ફિક્સ ધ વેબ જેવી જુદી-જુદી રમતોમાં ઉત્સાહભેર ભાગ લીધો હતો.
આ રમતોમાં ભાગ લેનાર તમામ નાના બાળકોમાં રમત પ્રત્યે શ્રેષ્ઠ પ્રદર્શન માટેનો જુસ્સો અને મહેનત દેખાય હતી.આ રમોત્સવ નો મુખ્ય ઉદ્દેશ બાળકોમાં રમત પ્રત્યેની રુચિ અને સર્વાંગી વિકાસ કરવાનો હતો.આ રમોત્સવમા ભાગ લીધેલ વિજેતાઓ પ્રથમ, દ્વિતીય, તૃતીય ઈનામ પ્રાપ્ત કર્યું તેવા વિજેતાઓને ઈનામ તેમજ ગોલ્ડ,સિલ્વર અને બ્રોન્ઝ મેડલ આપવામાં આવ્યું અને જે બાળકોએ રમોત્સવમા ભાગ લીધો તેઓને પણ પ્રમાણપત્ર આપી સન્માનિત કરવામાં આવ્યા.
આ કાર્યક્રમમાં અતિથિ વિશેષ તરીકે રાષ્ટ્રીય અને આંતરરાષ્ટ્રીય બોક્સિંગ સ્પર્ધામાં ઘણાં ચંદ્રકો મેળવનાર એવા મોહમ્મદ અફઝલ ઉર્ફ (આમીર ખાન) વિશેષ હાજર રહી કાર્યક્રમની શોભા વધારી. કાર્યક્રમની શરૂઆત દીપ પ્રાગટ્ય કરી પ્રાતઃ વંદના થી કરવામાં આવી. આ કાર્યક્રમને આયોજન, યોગ્ય માર્ગદર્શન અને પ્રોત્સાહન પુરુ પાડનાર શાળાના ટ્રસ્ટી ચુનીભાઈ ગજેરા અને કિંજલબેન ગજેરા તથા પ્રિ-પ્રાઈમરી લક્ષ્મી ઇન્ટરનેશનલ શાળાના આચાર્યા શ્રીમતી ઋના કૌરનો ખૂબ ખૂબ આભાર માનવામાં આવે છે.
