‘Sunita’s MakerSpace’ અંતર્ગત ‘Plant A Smile’ કેમ્પૈન ના ભાગરૂપે સરીગામની લક્ષ્મી ઇન્ટરનેશનલ સ્કૂલ દ્વારા ‘સેલ્ફ ડિફેન્સ’ કાર્યક્રમનું આયોજન કરવામાં આવ્યું.

સરીગામ ખાતે આવેલ શ્રીમતી.શાંતાબેન હરિભાઈ ગજેરા ટ્રસ્ટ સંચાલિત લક્ષ્મી ઇન્ટરનેશનલ સ્કૂલ દ્વારા તારીખ ૭,ઓક્ટોબર ૨૦૨૪ ના રોજ શાળાના આચાર્યશ્રી પ્રવીણભાઈ પવાર ના નેજા હેઠળ ‘Sunita’s MakerSpace’ દ્વારા *’Plant A Smile’ ભાગરૂપે શાળાની છોકરીઓ માટે *’સેલ્ફ ડિફેન્સ’ કાર્યક્રમનું આયોજન કરવામાં આવ્યું.

આ કાર્યક્રમમાં વલસાડના ‘અર્બન માર્શલ’ ગજ્જુ કરાટે આર્ટના માર્શલ ક્યોષી મનોજભાઈ પટેલ અને તેમની ટીમ દ્વારા શાળાની વિદ્યાર્થીનીઓને આજના સમયમાં પોતાનું સ્વ-રક્ષણ કેવી રીતે કરવું. પોતાનામાં રહેલ આત્મવિશ્વાસ,ક્ષમતાઓ અને વિકટ પરિસ્થિતિનો કઈ રીતે સામનો કરવો તેની વિવિધ તાલીમ અને ટેકનીક દ્વારા જાગૃતિ આપવામાં આવી. આ કાર્યક્રમનો મુખ્ય હેતુ છોકરીઓની સલામતી, આત્મરક્ષા અને આત્મવિશ્વાસ જગાવાનું હતું.

‘Sunita’s MakerSpace’ દ્વારા ‘Plant A Smile’ કેમ્પૈન સફળ બનાવવા માટેનું બહુ સરસ પગલું હોવાથી લક્ષ્મી વિદ્યાપીઠ સંકુલનાં ટ્રસ્ટી શ્રી ચુનીભાઈ ગજેરા અને કુ.કિંજલબેન ગજેરા ના સ્નેહભર આભાર માનવામાં આવે છે.