શ્રમ અને રોજગાર મંત્રાલયે વિવિધ મીડિયા અહેવાલોની નોંધ લીધી છે જેમાં દાવો કરવામાં આવ્યો છે કે Foxconn India એપલ આઇફોન પ્લાન્ટમાં પરિણીત મહિલાઓને કામ કરવાની મંજૂરી આપવામાં આવી નથી. આ અહેવાલોના પ્રકાશમાં, મંત્રાલયે તમિલનાડુ સરકારના શ્રમ વિભાગ પાસેથી વિગતવાર અહેવાલની વિનંતી કરી છે.
સમાન મહેનતાણું અધિનિયમ, 1976ની કલમ 5 સ્પષ્ટપણે જણાવે છે કે પુરૂષ અને મહિલા કામદારોની ભરતી કરતી વખતે કોઈ ભેદભાવ કરવામાં આવશે નહીં. આ અધિનિયમની જોગવાઈઓના અમલીકરણ અને વહીવટ માટે રાજ્ય સરકાર પાસે યોગ્ય સત્તા હોવાથી રાજ્ય સરકાર પાસેથી અહેવાલ માંગવામાં આવ્યો છે.
તે જ સમયે, પ્રાદેશિક મુખ્ય શ્રમ કમિશનરની કચેરીને પણ ભારત સરકારના શ્રમ અને રોજગાર મંત્રાલયને વાસ્તવિક અહેવાલ આપવાનો નિર્દેશ આપવામાં આવ્યો છે.
ઉલ્લેખનીય છે કે, 25 જૂનના રોઈટર્સ દ્વારા કરવામાં આવેલી તપાસમાં જણાવાયું હતું કે સ્માર્ટફોન ઉત્પાદકે તમિલનાડુમાં ચેન્નાઈ શહેર નજીક શ્રીપેરુમ્બુદુર ખાતે સ્થિત તેના મુખ્ય આઈફોન એસેમ્બલી પ્લાન્ટમાં પરિણીત મહિલાઓને નોકરી આપવાની અરજીઓ ફગાવી દીધી છે.
કારણ કે વિશ્વની સૌથી મોટી કોન્ટ્રાક્ટ ઈલેક્ટ્રોનિક્સ નિર્માતાને લાગે છે કે, અપરિણીત મહિલાઓની સરખામણી એ પરિણીતી મહિલા ઉપર વધુ પડતી પારિવારિક જવાબદારીઓ હોય છે. જેની અસર પ્રોડક્શન પર થઇ શકે છે. એટલે તાઈવાની કંપનીએ પરિણીત મહિલાઓની નોકરીની અરજીઓ ફગાવી દીધી હતી.