વાપી:- અત્રે ચણોદ કોલોની સ્થિત કેશવજી ભારમલ સુમેરિયા એન્ડ નટરાજ પ્રોફેશનલ સાયન્સ કોલેજ વાપીમાં 75 માં પ્રજાસતાક દિન નિમિતે વાપીના ઉઘોગપતિ બિમલભાઈ ગુઢકા ના વરદ હસ્તે તિરંગો લહેરાવવામાં આવ્યો હતો.
આ પ્રસંગે દિપક ગુઢકા તેમજ સંસ્થાના ટ્રસ્ટી ભારતીબેન સુમેરિયા અને સમગ્ર સ્ટાફગણ તથા વિધાર્થીમિત્રો હાજર રહી તિરંગાને સલામી આપી હતી. પ્રજાસત્તાક દિનની ઉજવણી નિમિતે વિઘાર્થીઓ દ્વારા સાંસ્કૃતિક કાર્યક્રમ કરવામાં આવ્યો હતો. આ પ્રસંગે શ્રીમાન બિમલ ગુઢકા દ્વારા પ્રસંગોપાત અભિવાદનમાં કોલેજના વિધાર્થીઓને દેશના વિકાસ માટે સર્જનાત્મક, જુસ્સાદાર તેમજ પોતાનામાં દૃઢ વિશ્વાસ રાખવા માટે આહવાન કર્યુ હતું. આમ, સમગ્ર પ્રોગ્રામ સફળ રહેતા કોલેજના આચાર્ય ડો. પૂનમ બી.ચૌહાણે સંબંધિત મહેમાન, સ્ટાફગણ અને વિધાર્થીમિત્રોનો આભાર વ્યક્ત કર્યો હતો.
