સરીગામ ખાતે આવેલ શ્રીમતી શાંતાબેન હરિભાઈ ગજેરા ટ્રસ્ટ સંચાલિત લક્ષ્મી ઈન્ટરનેશન શાળાના મેદાનમાં તારીખ ૨૬મી, જાન્યુઆરી-૨૦૨૪ ના રોજ “પ્રજાસત્તાક” દિવસની ઉજવણી કરવામાં આવી.
આ કાર્યક્રમના મુખ્ય અતિથિ તરીકે પોલીસ ઇન્સ્પેકટર (P.l.) મહિપાલ સિંહ અને પોલીસ સબ ઇન્સ્પેકટર (P.S.I.) સંદીપ સુસાલદે આવ્યા હતા.તેઓના હસ્તે રાષ્ટ્રધ્વજ ફરકાવવામાં આવ્યો અને સલામી આપવામાં આવી તથા વિદ્યાર્થીઓએ રાષ્ટ્રગીત ગાયું હતું.
આ કાર્યક્રમમાં વિદ્યાર્થીઓ દ્વારા દેશભક્તિ ગીત, સમૂહ ડાન્સ,વિવિધ કૃતિઓ રજૂ કરવામાં આવી તેમજ NCC ના વિદ્યાર્થીઓ દ્વારા પરેડ કરવામાં આવી હતી.આ કાર્યક્રમમાં શાળાના વિદ્યાર્થીઓ, શિક્ષકગણ તેમજ અન્ય કર્મચારીઓ વિશેષ સંખ્યામાં ઉપસ્થિત રહી દેશભક્તિનો કાર્યક્રમ નિહાળ્યો હતો.
આ કાર્યક્રમના આયોજન,માર્ગદર્શન અને પ્રોત્સાહન આપનાર શાળાના ટ્રસ્ટી ચુનીભાઈ ગજેરા અને કુ.કિંજલબેન ગજેરા તથા શાળાના આચાર્ય પ્રવીણભાઈ પવારનો ખૂબ ખૂબ આભાર માનવામાં આવે છે.
