શ્રી જૈન યુવક મંડળ ઇંગ્લીશ મીડિયમ સ્કૂલમાં એન્યુઅલ સ્પોર્ટ્સ ડે ની ઉત્સાહભેર કરાઈ ઉજવણી

વાપીમાં આવેલ ‘શ્રી જૈન યુવક મંડળ ઇંગ્લીશ મીડિયમ સ્કૂલમાં’ તારીખ 07/01/2024, રવિવારના રોજ ‘સ્પોર્ટ્સ ડે’ ની ભવ્ય ઊજવણી કરવામાં આવેલ હતી. શાળાના વિશાળ મેદાન પર આયોજિત કરવામાં આવેલ આ સ્પોર્ટ્સ ડે (2023 – 2024)’ મીટ ધ ચેમ્પિયન્સ’ ની થીમ સાથે દબદબાભેર યોજાયો હતો. જેમાં રમતગમતક્ષેત્રે શાળાનું નામ રોશન કરનાર વિદ્યાર્થીઓને ટ્રોફી, મેડલ આપી સન્માનિત કરવામાં આવ્યાં હતાં.
વાર્ષિક સ્પોર્ટ્સ ડે નિમિતે મુખ્ય અતિથિ તરીકે શ્રી ડૉ. આશિષ ઠાકુર (B.A.M.S., PGD, HHM) એ સ્થાન શોભાવ્યું હતું, જેઓ જિલ્લા કક્ષાએ U – 17 ફુટબોલ, U – 19 કબડ્ડીમાં પ્રતિનિધિત્વ કરેલું છે. તેમજ All over Valsad’ s Doctor Cricket Premier League, Olive Hospital Cricket Premier League સંકળાયેલ છે. જ્યારે, સુંદરલાલ આર. શાહે અઘ્યક્ષ સ્થાન શોભાવ્યું હતું. અજયભાઈ સી. શાહ (ઉપાધ્યક્ષ) તેમજ ચંદ્રેશભાઇ એસ. શાહ (સેક્રેટરી), રોહિતભાઇ એ. શાહ (જોઈન્ટ સેક્રેટરી), હરીનભાઇ આઈ. શાહ (ટ્રેઝરર), હેમંતભાઈ એમ. શાહ (પ્રી-સ્કૂલના મુખ્ય ડોનર) ની વિશેષ પ્રેરક ઉપસ્થિતિ રહી હતી.
ભવ્ય અને દબદબાભેર ઉજવાયેલ આ કાર્યક્રમની શરૂઆત પ્રાર્થનાથી કરવામાં આવેલ હતી. ત્યારબાદ શાળાના આચાર્યા શ્રીમતી શ્રદ્ધાબેન દેસાઈ દ્વારા મહાનુભાવોનું પુષ્પગુચ્છ દ્વારા સ્વાગત કરવામાં આવ્યું હતું. મુખ્ય અતિથિ ડૉ. આશિષ ઠાકુર તેમજ અન્ય મહાનુભાવો દ્વારા પ્રસંગોચિત પ્રવચન આપવામાં આવેલ હતું, ત્યારબાદ વાલીઓની બહોળી હાજરીમાં આચાર્યા દ્વારા શાળાનો વાર્ષિક અહેવાલ રજૂ કરવામાં આવેલ હતો. ‘શાળા સતત પ્રગતિના પંથે આગળ વધી રહી છે.’ – આ વાતની પ્રતીતિ થતાં હાજર વાલીઓ તથા મહાનુભાવોએ અહેવાલને તાળીઓના ગડગડાટથી વધાવી લીધો હતો.
વિદ્યાર્થીઓ દ્વારા મશાલ રેલી, માર્ચ પાસ્ટ, યોગા, કરાટે, પિરામિડ અને સ્કૂલ ‘સ્પોર્ટ ડે સોંગ’ ની જુસ્સાભેર રજૂઆત થતાં જ વાતાવરણ રમતગમતના રંગે રંગાઈ ગયું હતું. વિવિધ રમતો જેમ કે 100 m, 200m, 400m, 800m દોડ, 4×100 m રીલે રેસ, 4×200 m રીલે રેસ, ટગ ઓફ વોર ના ફાઈનલ રાઉન્ડ જેવી રમતો વયજૂથ અનુસાર અન્ય રમતો રમાઈ હતી.
શાળાના ટ્રસ્ટી સુંદરલાલભાઇ શાહ, ચંદ્રેશભાઈ શાહ તેમજ અન્ય મહાનુભાવો દ્વારા વિદ્યાર્થીઓને શૈક્ષણિક, સાંસ્કૃતિક તેમજ રમત ગમત ક્ષેત્રે સારા પ્રદર્શન બદલ ઈનામ વિતરણ કરાઈ પ્રોત્સાહિત કરવામાં આવેલ હતા.
કાર્યક્રમના અંતે સમગ્ર શાળા પરિવાર તરફથી સૌના સાથ સહકાર તેમજ ઉપસ્થિતિ માટે આભાર વ્યક્ત કરવામાં આવેલ હતો. સમગ્ર કાર્યક્રમને સફળ બનાવવા શાળા પરિવારે જહેમત ઊઠાવી હતી અને શાળા વ્યવસ્થાપનનું સફળ સંચાલન કર્યું હતું.