વાપીના ઇમરાન નગરમા બાઈક પર મુકેલી રૂપિયા ભરેલી થેલી લઈ 2 ગઠીયાઓ ફરાર થઈ ગયા હતા. પાન મસાલા ની ડિલિવરી કરતા ડિલિવરીમેન સાથે થયેલી આ ઘટના સીસીટીવી કેમેરામાં કેદ થઈ ગઈ હતી. જે વિડીયો અત્યારે સોશિયલ મીડિયામાં વાયરલ થતા બનાવ ચર્ચાનું કેન્દ્ર બન્યો છે.
બનાવની વિગત મુજબ વાપીના ઇમરાનગર વિસ્તારમાં પાન મસાલા ની ડિલિવરી કરતા એક ડીલેવરીમેન દુકાન પર ડિલિવરી કરવા આવ્યો હતો. જે પોતાની પાસે રહેલી 60 હજાર ભરેલી રૂપિયાની થેલી બાઈક પર મૂકી દુકાનમાં સામાન આપવા ગયો હતો. એ વખતે જ તક નો લાભ લઈને મોપેડ પર ઉભેલા ગઠિયાઓ બાઈક પર મુકેલી રૂપિયા ભરેલી થેલી લઈને ફરાર થઈ ગયા હતા. ડિલિવરી મેન પરત આવતા થેલી નહિ મળતા આજુબાજુ તપાસ કરી હતી.
આખરે નજીક લગાવેલા સીસીટીવીમાં તપાસ કરતા ડિલિવરી મેને જ્યાં બાઇક પાર્ક કર્યું હતું. ત્યાં જ મોપેડ સાથે ઉભેલા 2 ગઠિયાઓ બાઇક પરથી રૂપિયા ભરેલી થેલી લઈ ફરાર થતાં સીસીટીવી કેમેરામાં કેદ થયા હતા. ભોગ બનનારે સીસીટીવીના આધારે વાપી ટાઉન પોલીસ સ્ટેશનમાં આ મામલે રજૂઆત કરી હોવાનું જાણવા મળ્યું છે.