વાપી ચણોદ સ્થિત કે.બી.એસ કોમર્સ અને નટરાજ પ્રોફેશનલ સાયન્સ કોલેજ ખાતે સ્વ. M.R. PAI ની યાદગીરીમાં M.R. PAI ફાઉંન્ડેશન અને ફોરમ ફ્રી એન્ટરપ્રાઈઝ, મુંબઈ તથા સદર ફોરમ ફોર હેલ્પ યુનિટના સહયોગથી ત્રણ દિવસની લીડરશીપ તાલીમના વર્કશોપનું આયોજન કરવામાં આવ્યું હતું. આ વર્કશોપમાં 86 વિઘાર્થીઓએ ભાગ લીઘો હતો.
કે.બી.એસ કોમર્સ અને નટરાજ પ્રોફેશનલ સાયન્સ કોલેજ વાપીમાં વિઘાર્થીઓ શિક્ષણની સાથે આજના હરીફાઈ યુગમાં દરેક ક્ષેત્રમાં કેવી રીતે પગભર થઈ શકે, વિવિધ પરિસ્થિતિમાં નીડર રહીને નિર્ણયો લેવા તથા વક્તિ, સમાજ અને દેશના વિકાસ માટે લીડરશીપ લઈ શકે તે હેતુથી લીડરશીપ તાલીમના વર્કશોપનું આયોજન કરવામાં આવ્યું હતું. આ વર્કશોપમાં 86 વિઘાર્થીઓએ ભાગ લીઘો હતો.
આ તાલીમમાં વિવેક પટકી અને સચિન કામથ તાલીમ આપવા હાજર રહ્યા હતા. આ તાલીમમાં વિઘાર્થીઓ ગોલ સેટીંગ અને અચીવીંગ, વાકચતુર્ય , નિર્ણાયક શક્તિ, ટીમવર્ક , આત્મવિશ્વાસ વગેરે વિષયો પર ખુબ જ ઉંડુ સમજણ આપીને પ્રેકટીકલ રમતો રમાડીને વિઘાર્થીઓને તાલીમ આપવામાં આવી હતી. તાલીમ પૂર્ણ થતા વિઘાર્થીઓ આત્મવિશ્વાસથી ભરપૂર થઈને એક સારા લીડર બનશે તેવી ખાતરી આપી હતી.
આ વર્કશોપનું આયોજન અને સંચાલન કોલેજના મદદનીશ પ્રાધ્યાપક ડો. યતીન વ્યાસ, ડો. દિપક સાંકી, ડો. ક્રિષ્ના રાજપૂત અને કું. રિઆ દેસાઈએ કર્યુ હતું. આમ મોટી સંખ્યામાં વિઘાર્થીઓ તાલીમમાં ભાગ લઈ વર્કશોપને સફળ બનાવતા કોલજના આચાર્ય ડૉ. પૂનમ બી. ચૌહાણે M.R. PAI ફાઉંન્ડેશન ના મિત્રો તેમજ સ્ટાફના સભ્યોનો તેમજ વિઘાર્થીઓનો આભાર વ્યક્ત સારા લીડર બનવા માટે આહવાન આપ્યુ હતું.