વાપી તાલુકાના બલિઠા ગ્રામ પંચાયત વિસ્તારમાં નિર્માણ થયેલ અને નિર્માણાધિન પોલારિસ અલ્ટીમાં ખાતે પોલારિસ ગ્રુપ દ્વારા સ્વચ્છતા અભિયાન હાથ ધરવામાં આવ્યું હતું. વડાપ્રધાન નરેન્દ્ર મોદીએ કરેલ 1 કલાક સ્વચ્છતા પ્રત્યે શ્રમદાનના આહવાનમાંથી પ્રેરણા લઈ પોલારિસ ગ્રૂપ દ્વારા આ સ્વચ્છતા અભિયાન હાથ ધર્યું હતું. સફાઈ અભિયાનમાં 100 જેટલા લોકોએ હાથમાં ઝાડુ લઈ સફાઈ કરી હતી. એકત્ર કરેલ કચરાને કચરા ટોપલીઓમાં ભર્યો હતો.
2જી ઓક્ટોબરે ગાંધી જયંતીના દિવસે હાથ ધરાયેલ આ સફાઈ કાર્યમાં પોલારિસ ગ્રુપના રવિ હિરપરા, મુકેશ હિરપરા, રમેશ ભૂવા, ઓફિસ સ્ટાફ, કન્સ્ટ્રકશન સાઈટનાં કોન્ટ્રાક્ટર, સુપરવાઈઝર, લેબર, નિર્માણ થયેલ ઇમારતોમાં રહેતા રહેવાસીઓ સહિત 100 જેટલા લોકો ઉપસ્થિત રહ્યા હતા. જેઓએ આ સફાઈ આજ પૂરતી નહિ પરંતુ આવી જ સ્વચ્છતા હંમેશા રહે તેવી તકેદારી રાખવાનો સંકલ્પ લીધો હતો.
