મહિલાઓને Hypnotize કરી સોનાના દાગીના પડાવી લેતી Madari Gang ના Mastermind બરકત અલીની કચિગામ પોલીસે Outer North District Delhi થી ધરપકડ કરી દમણ કોર્ટમાં રજૂ કરતા નામદાર કોર્ટે 3 દિવસના કસ્ટડી રિમાન્ડ મંજુર કર્યા છે.
આ અંગે કચિગામ પોલીસ મથકના SHO શશીકુમાર સિંગ દ્વારા અખબારી યાદીમાં જણાવ્યું છે કે, 9મી જાન્યુઆરી થી 14મી જાન્યુઆરી દરમ્યાન અલગ અલગ ત્રણ મહિલાઓએ કચિગામ પોલીસ મથકમાં ફરિયાદ નોંધાવી હતી કે, બે અજાણ્યા શખ્સોએ હિપ્નોટિઝમનો અને દૈવી શક્તિના આડંબરનો ઉપયોગ કરી તેઓના સોનાના કિંમતી દાગીના પડાવી લીધા છે.
આ ત્રણેય ઘટનાની ગંભીર નોંધ લઈ દમણ SP કેતન બંસલના દિશાનિર્દેશમાં કચિગામ પોલીસ મથકના SHO શશી કુમાર સિંઘના નેતૃત્વ હેઠળ વિવિધ પોલીસ ટીમો બનાવી તપાસ હાથ ધરી હતી. અને UP ના Ghaziabadથી ઇરફાન સાકીર અહમદ અને શિકલ ઉર્ફે શેરખાન ઉર્ફે મેલુ પરવીનની ધરપકડ કરવામાં આવી હતી. તેમજ ઓટો ડ્રાઈવર રાધેકુમાર લટો યાદવની સંડોવણી ધ્યાને લઇ તેની પણ ધરપકડ કરી હતી.
કચિગામ પોલીસે ત્રણેય આરોપીઓની ધરપકડ કરી તેમની પાસેથી 1.70 લાખના સોનાના દાગીના, 40 હજારના મોબાઈલ, એક લાખની કિંમતની રીક્ષા સહિત કુલ 3,10,500 રૂપિયાનો મુદ્દામાલનો કબ્જે કરી માનનીય JMFC, દમણ સમક્ષ રજુ કરતા 03 દિવસના પોલીસ કસ્ટડી રિમાન્ડ મંજૂર કરવામાં આવ્યા છે. જે રિમાન્ડ દરમ્યાન જાણવા મળ્યું હતું કે, આ મદારી ગેંગનો Mastermind Barkatali Asafali છે.
જેમણે તેઓને હિપ્નોટીઝમ અને કેટલાક રસાયણો ની મદદથી થતી આ છેતરપીંડી ની કરામત શીખવાડી હતી. જેના બદલામાં તે 50 ટાકા હિસ્સો લેતો હતો. આ જાણકારી મેળવ્યા બાદ કચીગામ પોલીસ સ્ટેશનના HC આશિષ જી. ત્રિવેદીની આગેવાનીમાં એક ટીમને Outer North District Delhi મોકલી હતી. જેઓએ ત્યાંથી Mastermind Barkataliની ધરપકડ કરી દમણ લાવ્યાં હતાં. જેને માનનીય JMFC, દમણ સમક્ષ રજુ કરતા 03 દિવસના પોલીસ કસ્ટડી રિમાન્ડ મંજૂર કરવામાં આવ્યા છે.
ઉલ્લેખનીય છે કે, દિલ્હીથી પકડાયેલ માસ્ટર માઈન્ડ બરકત અલી છેતરપીંડી ના ગુન્હામાં તિહાર જેલની સજા કાપી ચુક્યો છે. આ ગેંગની મોડસ ઓપરેન્ડી મુખ્યત્વે સામાજિક અને આર્થિક રીતે નબળા પરિવારની મહિલાઓને આધ્યાત્મિક માર્ગદર્શનની આડમાં તેમની પાસે જઈને તેમનું વશીકરણ કરતા હતાં. અને તે બાદ સોનાના ઘરેણાં પડાવી લેતા હતાં. ગેંગે ભારતભરમાં આવા 200 થી વધુ ગુનાઓ કર્યા હોવાની કબૂલાત કરી છે.