August 2024 - Auranga Times

Aug312024 by Meroo Gadhvi Auranga TimesNo Comments

વલસાડ જિલ્લા કલેકટરના અધ્યક્ષસ્થાને મળી સંકલન સમિતિની બેઠક, તમામ ધારાસભ્યોના પાકા રિપોર્ટ સામે સાંસદ નો રિપોર્ટ રહ્યો અધૂરી માહિતી જેવો…?

Gujarat, National

વલસાડ જિલ્લા કલેકટર નૈમેષ દવેના અધ્યક્ષસ્થાને અને જિલ્લા વિકાસ અધિકારી અતિરાગ ચપલોતની ઉપસ્થિતિમાં કલેકટર કચેરીના સભાખંડમાં મળેલી સંકલન સમિતિની બેઠકમાં તમામ ધારાસભ્યોએ પોતાના વિસ્તાર ની અનેક સમસ્યાઓની રજુઆત કરી હતી. જો કે, બેઠકમાં છવાઈ જવાના મનોરથ સાથે આવેલા સાંસદે સૌથી વધુ રજુઆત કરી હતી. પરંતુ, તેમની કેટલીક રજૂઆતોનું નિરાકરણ પહેલા જ થઈ ચૂક્યું હોવાની પ્રતીતિ અધિકારીઓના જવાબ પરથી જોવા મળી હતી. ધારાસભ્યો જે રીતે પાકો રિપોર્ટ લઈને આવ્યા હતા તેની સરખામણીએ સાંસદ નો રિપોર્ટ અધકચરી માહિતી જેવો નવાઈ પમાડતો હતો.સંકલન બેઠકમાં જિલ્લામાંથી પસાર થતા નેશનલ હાઈવેના રસ્તા, જિલ્લા પંચાયત અને સ્ટેટના માર્ગ મકાન વિભાગના રસ્તાઓ પર પડેલા ખાડા અને જીવલેણ અકસ્માતોને લઈ પ્રજાના ચૂંટાયેલા પદાધિકારીઓ અને જિલ્લા કલેકટરે પણ સંબંધિત ત્રણેય વિભાગના અધિકારીઓને યુધ્ધના ધોરણે જિલ્લાના જે પણ રસ્તા પર ખાડા પડ્યા હોય ત્યાં મ...

Aug312024 by Meroo Gadhvi Auranga TimesNo Comments

દમણમાં પ્રેમિકાને મળવા યુવકે લીધો બુરખાનો સહારો…! પણ… પકડાઈ જતા બન્યો હાંસિપાત્ર…

Gujarat, National

સંઘપ્રદેશ દમણમાં યુવકને બુરખો પહેરવો ભારે પડી ગયો હતો. પોતાની પ્રેમિકાને મળવા માટે યુવક બુરખો પહેરીને પહોંચ્યો હતો. પરંતુ, સ્થાનિકોને શંકા જતા તપાસ કરી તો યુવકનો ભાંડો ફૂટી ગયો હતો. બાળકો ચોરવા માટે યુવક આવ્યો હોવાનુ સમજી સ્થાનિકોએ મેથીપાક ચખાડ્યો હતો અને બાદમાં પોલીસને સોંપ્યો હતો. મળતી માહિતી મુજબ દમણના એક વિસ્તારમાં રહેતી પ્રેમિકાને ઘણા સમયથી યુવક મળ્યો નહોતો. જેથી પ્રેમિકાને મળવા માટે ગતરાત્રીએ યુવક બુરખો પહેરી તેની પ્રેમિકાને મળવા ગયો હતો. જે દરમ્યાન સ્થાનિક લોકોએ બુરખાની અંદર મહિલાની જગ્યાએ કોઈ અજાણ્યો ઈસમ હોવાનું અને તે ઈસમ બાળકોને ચોરી કરવા આવ્યો હોવાની શંકા ગઈ હતી. શંકાના આધારે સ્થાનિક લોકોએ બુરખામાં આવેલા યુવકને ઘેરી ચેક કરતા બુરખામાં અજાણ્યો વ્યક્તિ હોવાનું જાણવા મળ્યું હતું. યુવકની સ્થાનિક લોકોએ પ્રાથમિક પૂછપરછ કરતા યોગ્ય જવાબ આપી શક્યો ન હતો. સ્થાનિક લોકોએ યુવકને મેથીપાક ચખાડી...

Aug302024 by Meroo Gadhvi Auranga TimesNo Comments

શ્રાવણ મહિનામાં કોચરવા ગામે પાર્થિવ દ્રાદશ જ્યોતિર્લિંગના પૂજન અર્ચન અને વિસર્જન સાથે તુલજા ભવાની માતાજી મંદિરનો કરાયો જીર્ણોદ્ધાર

Gujarat, National

વાપી નજીક આવેલ કોચરવા ગામે કુંભાર ફળિયામાં નિર્માણ પામેલ તુલજા ભવાની માતાજીના મંદિરનો જીર્ણોદ્ધાર કરવામાં આવ્યો હતો. તારીખ 29 અને 30 ઓગસ્ટ એમ દિવસ આયોજિત આ ધાર્મિક કાર્યક્રમમાં ગામના ગોર મહારાજ દ્વારા શાસ્ત્રોક્ત વિધિ સાથે સ્થાપન પૂજા, આરતી અને અભિષેકાત્મક લઘુરુદ્ર યજ્ઞ બાદ પાર્થિવ દ્રાદશ જ્યોતિર્લિંગનું વિસર્જન કરવામાં આવ્યું હતું. આ ધાર્મિક કાર્યક્રમમાં ગામલોકો મોટી સંખ્યામાં ઉપસ્થિત રહ્યા હતાં.આ ધાર્મિક કાર્યક્રમને શાત્રોક્ત વિધિ અનુસાર પાર પાડનાર કોચરવા ગામના ગામગોર પ્રશિત ઇશ્વરલાલ જોશીએ જણાવ્યું હતું કે, કોચરવા ગામના 7 ફળિયાના સૌ નાગરિકોએ અહીં તુલજા ભવાની માતાજીના મંદિરના જીર્ણોદ્ધાર માં પોતાનું યોગદાન આપ્યું છે. આજના આ પ્રસંગ દરમ્યાન હાલ શ્રાવણ મહિનો પણ ચાલી રહ્યો હોય 12 પાર્થિવ જ્યોતિર્લિંગ નું પૂજન અર્ચન કરવામાં આવ્યું હતું.આ પ્રસંગે ગામના લોકો પર હંમેશા શિવની કૃપા વરસતી રહે અને ...

Aug302024 by Meroo Gadhvi Auranga TimesNo Comments

ડુંગરામાં વાપી-સેલવાસ રોડ પર આવેલ એમ. એસ. ફર્નિચર નામના બામ્બુના ગોડાઉનમાં લાગી ભીષણ આગ

Gujarat, National

વાપીના ડુંગરા વિસ્તારમાં વાપી-સેલવાસ રોડ પર આવેલ એમ. એસ. ફર્નિચર નામના બામ્બુ ના ગોડાઉનમાં શુક્રવારે ભીષણ આગ લાગી હતી. આગની વિકરાળ જ્વાળા અને ધુમાડાના ગોટેગોટાએ આસપાસમાં ગભરાટ નો માહોલ ઉત્પન્ન કર્યો હતો. આગની ઘટનામાં ફાયરે આગ પર પાણીનો મારો ચલાવી આગ પર કાબુ મેળવ્યો હતો. ભીષણ આગને કારણે બામ્બુ ના ગોડાઉન માલિકને ભારે નુકસાન થયું છે. ઘટના અંગે વાપી નોટિફાઇડ ફાયર વિભાગે આપેલી વિગતો મુજબ વાપી ના ડુંગરામાં વાપી સેલવાસ રોડ પર બુલેટ ટ્રેન સ્ટેશની નજીક બામ્બુના ગોડાઉનમાં ભીષણ આગ ભભૂકી ઉઠી હોવાનો કોલ આવ્યો હતો. જેથી ફાયરના જવાનો તાત્કાલિક ઘટના સ્થળે પહોંચ્યા હતાં.આગ બુલેટ ટ્રેન સ્ટેશન નજીક આવેલ પ્લોટ નંબર-4, સર્વે નંબર 31માં કાર્યરત એમ. એસ. ફર્નિચર નામના બામ્બુના ગોડાઉનમાં લાગી હતી. આગની વિકરાળ જ્વાળા વધુ ને વધુ પ્રસરી રહી હોવાનું જોતા સેલવાસ ફાયર અને અન્ય ફાયરને જાણકારી આપી હતી. 3 થી વધુ ફાયર ફાઇ...

Aug292024 by Meroo Gadhvi Auranga TimesNo Comments

આવતી કાલે પ્રધાનમંત્રી પાલઘરમાં 76,000 કરોડના વઢવાણ પોર્ટ પ્રોજેક્ટનો અને 1,560 કરોડની 218 મત્સ્યઉદ્યોગ યોજનાઓનું ઉદ્ઘાટન અને શિલાન્યાસ કરશે

Gujarat, National

પ્રધાનમંત્રી નરેન્દ્ર મોદી 30 ઓગસ્ટ, 2024નાં રોજ મહારાષ્ટ્રનાં મુંબઈ અને પાલઘરની મુલાકાત લેશે. પ્રધાનમંત્રી સવારે 11 વાગે મુંબઈમાં જિયો વર્લ્ડ કન્વેન્શન સેન્ટરમાં ગ્લોબલ ફિનટેક ફેસ્ટ (GFF) 2024ને સંબોધન કરશે. ત્યારબાદ બપોરે લગભગ 1:30 વાગે પ્રધાનમંત્રી પાલઘરમાં સિડકો મેદાનમાં વિવિધ વિકાસલક્ષી પરિયોજનાઓનું ઉદઘાટન અને શિલાન્યાસ કરશે.પાલઘરમાં પ્રધાનમંત્રી..... પ્રધાનમંત્રી 30મી ઓગસ્ટ, 2024ના રોજ વઢવાણ પોર્ટનો શિલાન્યાસ કરશે. આ પ્રોજેક્ટનો કુલ ખર્ચ આશરે રૂ. 76,000 કરોડ છે. તેનો ઉદ્દેશ વિશ્વકક્ષાનો દરિયાઇ પ્રવેશદ્વાર સ્થાપિત કરવાનો છે, જે મોટા કન્ટેનર જહાજોને પૂરી પાડીને, ઊંડા ડ્રાફ્ટ ઓફર કરીને અને અલ્ટ્રા-લાર્જ કાર્ગો જહાજોને સમાવીને દેશના વેપાર અને આર્થિક વિકાસને વેગ આપશે. પાલઘર જિલ્લામાં દહાણુ શહેરની નજીક આવેલું વઢવાણ બંદર ભારતનાં સૌથી મોટાં ઊંડાં પાણીનાં બંદરોમાંનું એક હશે અને તે આંતરરાષ્ટ...

Aug292024 by Meroo Gadhvi Auranga TimesNo Comments

વાપીની બીલખાડીના પાણીમાં તણાયો લેબ્રા ડોગ…! ઇમર્જન્સી રેસ્ક્યુ ફોર્સ દ્વારા કરાયુ દિલધડક રેસ્ક્યુ…!

Gujarat, National

વાપીમાં વરસેલા અનરાધાર વરસાદમાં બીલખાડી બે કાંઠે વહી રહી છે. વાપી GIDC માંથી વહેતી અને દમણમાં દરિયાને મળતી આ બીલખાડીના વહેતા પાણીમાં એક લેબ્રા ડોગ તણાયો હતો. જેનું વાપીની ઇમર્જન્સી રેસ્ક્યુ ફોર્સની ટીમે રેસ્ક્યુ કરી જીવ બચાવ્યો હતો.આ અંગે મળતી વિગતો મુજબ વલસાડ જિલ્લામાં સોમવારે અતિભારે વરસાદને લઈ ઠેર ઠેર પાણી ભરાઈ ગયા હતા. ત્યારે GIDC માંથી પસાર બીલખાડીમાં ફોર્થ ફેઇઝમાં આવેલ રામજી બોર્ડ એન્ડ પેપર મિલની પાછળથી એક કૂતરાનો રડવાનો અવાજ આવતો હતો. જે સાંભળતા કંપનીના માણસોએ બીલખાડી આસપાસ તપાસ કરી હતી. ત્યારે એક લેબ્રા ડોગ બીલખાડીમાં કચરાના ઢગ પર બેસેલો દેખાયો હતો. જેની આસપાસ પાણી વહી રહ્યું હતું. આ કૂતરાને બચાવવા વાપીની જાણીતી ઇમર્જન્સી રેસ્ક્યુ ફોર્સ સંસ્થાના મુકેશ ઉપાધ્યાયને જાણ કરવામાં આવી હતી. મુકેશ ઉપાધ્યાય તાત્કાલિક તેમની ટીમ સાથે સ્થળ પર પહોંચ્યા હતાં. અને બીલખાડીના વહેતા પાણી...

Aug292024 by Meroo Gadhvi Auranga TimesNo Comments

રક્તદાન હૃદય, રક્તકણો, કેલરી બર્ન માટે ફાયદા કારક છે, કેન્સરની શક્યતા ઘટાડે છે. અને ફ્રી હેલ્થ ચેકઅપનો લાભ મળે છે. કેટલાય લોકોના જીવન રક્તદાનથી બચે છે.

Gujarat, National

જમીયત ઉલેમાં એ વાપી ટ્રસ્ટ અને લાયન્સ કલબ ઓફ વાપીના સંયુક્ત ઉપક્રમે આગામી 1લી સપ્ટેમ્બરે મહારક્તદાન કેમ્પનું આયોજન કરવામાં આવ્યું છે. જેમાં વધુમાં વધુ લોકો રક્તદાન કરવા આવે તેવી અપીલ સંસ્થાના આગેવાનો, સભ્યો દ્વારા કરવામાં આવી છે. રક્તદાન ની રક્તદાતાને અનેક ફાયદા થાય છે. એ ઉપરાંત સેવાના આ કાર્યથી પુણ્યનું ભાથું બાંધે છે.રક્તદાનના ફાયદા અનેક છે. જે નીચે મુજબના છે...... રક્તદાન હૃદય માટે ફાયદારૂપ છે...... રક્તદાન કરવાથી આપણા હૃદયનું સ્વાસ્થ્ય સારું થાય છે. નિયમિત રક્તદાન કરવાથી લોહીમાં આયર્નનું પ્રમાણ ઘટે છે, જેનાથી હાર્ટ અટેકની શક્યતા 88% જેટલી ઘટી જાય છે. રક્તદાનથી લકવા થવાની શક્યતામાં પણ 33% જેટલો ઘટાડો થાય છે. રક્તદાન નવા રક્તકણોનું ઉત્પાદન વધારે છે.... રક્તદાન કરવાથી તાત્કાલિક જ શરીરમાં નવા રક્તકણોનું નિર્માણ શરુ કરી દે છે, અને 48 કલાકની અંદર જ એનું ઉત્પાદન શરુ થઇ જાય છે. અને એક થી...

Aug272024 by Meroo Gadhvi Auranga TimesNo Comments

વલસાડ જિલ્લાના 2 તાલુકામાં અને સેલવાસમાં મેઘરાજાની સેન્ચ્યુરી, વરસાદી પાણીના સંગ્રહની કોઈ ઠોસ યોજના ના હોય દર વર્ષની જેમ આ વર્ષે પણ મોટાભાગનું પાણી દરિયામાં વહી ગયું….

Gujarat, National

વર્ષ 2024માં મેઘરાજાએ વધુ એકવાર શતક પૂરું કર્યું છે. આ વર્ષે શરૂઆતમાં વરસાદ ના મોડા મંડાણ થયા હતાં. પરંતુ જેમ ક્રિકેટ મેચમાં ધીમું રમતો બેટ્સમેન અચાનક અડધી સદી બાદ બોલરોને ઝૂડી નાખી સદી પુરી કરી નાખે એવી અદા માં વલસાડ જિલ્લાના તમામ તાલુકામાં 50 ઇંચ માંડમાંડ વરસેલા મેંઘરાજાએ છેલ્લા એક પખવાડિયામાં અનરાધાર વરસી જિલ્લાના 6 તાલુકા પૈકી 2 તાલુકામાં પોતાની શતકીય ઇંચ ની ઇનિંગ પુરી કરી લીધી છે. બાકીના 4 તાલુકામાં હવે સદી તરફ આગેકૂચ ચાલી રહી છે. સંઘ પ્રદેશ સેલવાસમાં પણ સિઝનનો કુલ વરસાદ 100 ઇંચ ને પાર થયો છે.વલસાડ જિલ્લામાં અને સંઘપ્રદેશ દાદરા નગર હવેલી દમણમાં સીઝનના કુલ વરસાદની વિગતો જોઈએ તો 27મી ઓગસ્ટ સુધીમાં વલસાડ જિલ્લામાં સરેરાશ 99 ઇંચ વરસાદ નોંધાયો છે. તાલુકા મુજબ જોઈએ તો, સૌથી વધુ વરસાદ કપરાડા તાલુકામાં 118 ઇંચ નોંધાયો છે. વલસાડ તાલુકામાં કુલ 103 ઇંચ વરસાદ નોંધાયો છે. વાપી તાલુકામાં 98 ઇંચ, ધર...

Aug272024 by Meroo Gadhvi Auranga Times1 Comment

દાતાઓ છૂટે હાથે ધનદાન, વસ્ત્રદાન અને અન્નદાન કરે છે. આ દાનની જેમ રક્તદાન (Blood Donation) પણ પુણ્ય કમાવાનું દાન છે.

Gujarat, National

જમીયત ઉલમાં-એ-વાપી ટ્રસ્ટ અને લાયન્સ કલબ ઓફ વાપીના સંયુક્ત ઉપક્રમે આગામી 1લી સપ્ટેમ્બર 2024ના મહારક્તદાન કેમ્પનું આયોજન કરવામાં આવ્યું કરવામાં આવ્યું છે. આ મહારક્તદાન કેમ્પ વાપીમાં કોપરલી રોડ પર આવેલ સહારા હોસ્પિટલની પાછળ અફસાના માર્કેટ ખાતે યોજાવાનો છે. સવારના 9 વાગ્યાથી સાંજના 5 વાગ્યા સુધી આયોજિત આ કેમ્પમાં રક્તદાતાઓ વધુમાં વધુ રક્તનું દાન કરી પુણ્યનું ભાથું બાંધે એવી અપીલ પ્રોજેકટ ચેરમેન ઇન્તેખાબ ખાન અને તેમની ટીમ દ્વારા કરવામાં આવી છે. ઇમેજ સોર્સ ઓનલાઈન નેટવર્ક.......... રક્તદાન કરવા માટે લોકોને મૂળભૂત બાબતો જાણવાની જરૂર છે. દાખલા તરીકે, રક્તદાન કરવા માટે અમુક માપદંડો પૂરા કરવા આવશ્યક છે. દરેક જણ તે જાણતા નથી. સૌથી મહત્વની વાત એ છે કે રક્તદાન કરવા માટે લાયક વ્યક્તિએ 17-66 વર્ષની વયની હોવી જોઈએ. તેમનું વજન 50 કિલોથી વધુ હોવું જોઈએ અને તેમનું સ્વાસ્થ્ય સારું હોવું જોઈએ. ડાયાબિટીસ, ...

Aug262024 by Meroo Gadhvi Auranga TimesNo Comments

વલસાડ જિલ્લામાં શા માટે રક્તદાનની જરૂરિયાત છે? આ અહેવાલ વાંચી તમે પણ ચોક્કસ રક્તદાનની પહેલને વધાવશો…!

Gujarat, National

વલસાડ જિલ્લો ઔદ્યોગિક જિલ્લો છે. ઉપરાંત આ જિલ્લામાંથી જ સૌથી વધુ વાહનોની અવરજવર ધરાવતો નેશનલ હાઇવે 48 પસાર થાય છે. તો, પ્રશ્ચિમ રેલવેની મહત્વની મહત્વની ટ્રેક લાઇન પણ આ જિલ્લામાંથી જ પસાર થાય છે. આ કારણે જિલ્લામાં અને ખાસ કરીને વાપીમાં અકસ્માતોનું પ્રમાણ પણ ખૂબ વધુ છે. આવા અકસ્માત દરમ્યાન હોસ્પિટલમાં દર્દીઓ માટે મોટી માત્રામાં લોહીની જરૂરિયાત ઉભી થતી આવી છે. અનેકવાર એવું બન્યું છે કે, બ્લડ બેંકમાં જ જરૂરિયાત મુજબના દર્દીને જે લોહીની જરૂર હોય છે તે પુરી થતી નથી. આ ઘટ નિવારવા અનેક સારી સંસ્થાઓ રક્તદાન કેમ્પનું આયોજન કરી રક્તની ઘટ નિવારણ નો પ્રયાસ કરે છે. જેને ધ્યાનમાં રાખી જમીયત ઉલેમાં એ વાપી ટ્રસ્ટ અને લાયન્સ કલબ ઓફ વાપીના સંયુક્ત ઉપક્રમે આગામી 1લી સપ્ટેમ્બરે યોજાનાર મહારક્તદાન કેમ્પમાં વધુમાં વધુ દર્દીઓ રક્તદાન કરવા આવે તેવી અપીલ સંસ્થાના આગેવાનો, સભ્યો દ્વારા કરવામાં આવી છે. ...