April 2023 - Auranga Times

Apr292023 by Meroo Gadhvi Auranga TimesNo Comments

વાપી નગરપાલિકાની સામાન્ય સભામાં તળાવના રખરખાવ મામલે સત્તાધીશો કોન્ટ્રકટર સામે તો વિપક્ષ પાણી મામલે સત્તાધીશો સામે આકરા પાણીએ

Gujarat, National

વાપી નગરપાલિકાના પ્રમુખ અને ચીફ ઓફિસર સહિતના હોદ્દેદારો, પદાધિકારીઓ, નવરસેવકોની ઉપસ્થિતિમાં સામાન્ય સભાનું આયોજન કરવામાં આવ્યું હતું. જેમાં પાલિકા પ્રમુખ અને ચીફ ઓફિસરે નગરપાલિકાના 3 તળાવનો કોન્ટ્રાકટ ધરાવતા કોન્ટ્રાકટરનો કોન્ટ્રાકટ રદ્દ કરતો ઠરાવ પસાર કર્યો હતો. જ્યારે વિપક્ષી નેતાએ પાલિકાના સત્તાધીશોએ નળ-ગટર કનેક્શનના ટેક્સમાં કરેલો વધારો પાછો ખેંચી દરેક વિસ્તારમાં પૂરતું પાણી આપવા આકરા પ્રહાર કર્યા હતાં. વાપી નગરપાલિકાના સભાખંડ માં શનિવાર 29મી એપ્રિલે સામાન્ય સભાનું આયોજન કરવામાં આવ્યું હતું. પ્રમુખ કાશ્મીરા શાહ, ચીફ ઓફિસર શૈલેષ પટેલ, ઉપપ્રમુખ અભય શાહ, કારોબારી ચેરમેન મિતેષ દેસાઈની અધ્યક્ષતામાં યોજાયેલ સામાન્ય સભામાં સૌ પ્રથમ વાપી નગરપાલિકામાં ગત સામાન્ય સભાની કાર્યવાહી નોંધની બહાલી આપવામાં આવી હતી. તે બાદ ગત કારોબારી સમિતિની કાર્યવાહી નોંધને બહાલી આપી હતી. તો, વાપી નગરપાલિકાનો સને ...

Apr282023 by Meroo Gadhvi Auranga TimesNo Comments

બુલેટ ટ્રેન પ્રોજેકટ માટેનો પાર નદી પરનો પ્રથમ પુલ તૈયાર, દમણગંગા નદી પર કામ પુરજોશમાં

Gujarat, National

મુંબઈ-અમદાવાદ વચ્ચે દોડનારી બુલેટ ટ્રેનના પ્રોજેકટ અંતર્ગત MAHSR કોરિડોર પર આવતી 24 નદીઓ પૈકીની વલસાડ જિલ્લાની પાર નદી પરનો પ્રથમ પુલ તૈયાર કરી લેવામાં આવ્યો છે. 7 પીલ્લર પર તૈયાર કરેલ આ પુલ 320 મીટર ની લંબાઈનો છે. તો, એ જ રીતે વાપી નજીકની દમણગંગા નદીમાં 8 પીલ્લર તૈયાર થઈ ચૂક્યા છે. આગામી દિવસમાં દમણગંગા નદી પર પર પુલ તૈયાર કરી લેવામાં આવશે. NHSRCL દ્વારા ચાલી રહેલા મુંબઈ અમદાવાદ વચ્ચેના હાઈ સ્પીડ રેલ પ્રોજેકટ હેઠળ હાલમાં થયેલી કામગીરી અંગે વિગતો આપવામાં આવી છે. જેમાં જણાવ્યું છે કે, MAHSR કોરિડોર પર કુલ 24 નદી આવે છે. જેના પર પુલ બનાવવાની કામગીરી ઝડપભેર આગળ વધી રહી છે. મુંબઈ અમદાવાદ વચ્ચે ગુજરાતના વલસાડ જિલ્લાના વાપીથી અમદાવાદ સાબરમતી સ્ટેશન વચ્ચે આવતી નદીઓમાં વલસાડ જિલ્લામાં વાપી નજીક દમણગંગા, પારડી નજીક પાર નદી, નવસારી જિલ્લામાં ઔરંગા નદી પર, સુરત જિલ્લામાં તાપી નદી પર, ભરૂચ જિલ્લા...

Apr282023 by Meroo Gadhvi Auranga TimesNo Comments

વાપીના આ ખેડૂતની બુલેટ ટ્રેન પ્રોજેક્ટના સ્ટેશનમાં જમીન ગઈ સવા કરોડ મળ્યા

Gujarat, National

નેશનલ હાઈ સ્પીડ રેલ કોર્પોરેશન દ્વારા મુંબઈ અમદાવાદ વચ્ચે બુલેટ ટ્રેન પ્રોજેકટ હાથ ધર્યો છે. આ ટ્રેનના રૂટ પર આવતી ખેડૂતોની જમીન સંપાદન કર્યા બાદ તેને સારું એવું વળતર અપાયું છે. વાપીમાં પણ બુલેટ ટ્રેન પ્રોજેકટમાં જમીન જવાથી ડાહ્યાભાઈ હળપતિ અને તેના પરિવારનો કરોડપતિ ખેડૂત માં સમાવેશ થયો છે. તેમનું જીવનધોરણ સુધર્યું છે. ધંધા વ્યવસાયનો વ્યાપ વધારી શક્યા છે. વાપીના ડુંગરા વિસ્તારમાં ગુજરાતનું અમદાવાદ પછીનું સૌથી મોટું બુલેટ ટ્રેનનું સ્ટેશન બની રહ્યું છે. આ ટ્રેન સ્ટેશનની બાજુમાં જ ખેડૂત અને ટ્રાન્સપોર્ટનો વ્યવસાય કરતા ડાયાભાઇ હળપતિ તેમના પુત્રો-પુત્રવધુ સાથે રહે છે. તેમના બંગલાની લગોલગથી જ બુલેટ ટ્રેનનું સ્ટેશન બની રહ્યું છે. જે જમીન તેમની જ હતી. અને તેમાં આંબાના અને નારીયેલીના ઝાડ હતાં. જો કે હવે તેના સ્થાને બુલેટ ટ્રેનના પિલલર ઉભા થયા છે. ડાયાભાઈની આંબાવાડીની અંદાજીત 3 એકર જમીન નેશનલ હાઇ...

Apr272023 by Meroo Gadhvi Auranga TimesNo Comments

શહેરીજનોને મચ્છીની દુર્ગંધમાંથી છુટકારો અને મચ્છી વિક્રેતાઓને સુવિધાયુક્ત આશરો આપવાના પાલિકાના પ્રયત્નો પર મચ્છી વિક્રેતાઓનું જ પાણી ઢોળ?

Gujarat, National

વાપી નગરપાલિકા વિસ્તારમાં આવેલ મચ્છી માર્કેટ માં વર્ષોથી મચ્છી વેંચતી મહિલાઓ અને પુરુષ વિક્રેતાઓ ખુલ્લામાં બેસીને ગંદકીમાં મચ્છી વેચી ગુજરાન ચલાવતી હતી. તો, તેને કારણે મુખ્ય માર્ગ પર મચ્છીની તીવ્ર દુર્ગંધ શહેરીજનોને ત્રાહિમામ પોકરાવતી હતી. આ તમામ સમસ્યાઓનો નિવેડો લાવવા નગરપાલિકાના સત્તાધીશોએ અદ્યતન ફિશ માર્કેટ બનાવી તેમાં મચ્છી વિક્રેતાઓને સ્ટોલ ફાળવી આશરો આપવાની અનોખી પહેલ કરી છે. પરંતુ જાણે ગંદકીમાં ટેવાયેલ અને શહેરીજનોને દુર્ગંધથી નાક આડે રૂમાલ બંધાવવામાં જ માનતા મચ્છી વિક્રેતાઓએ પાલિકાની પહેલ પર પાણી ઢોળ કરી નાખ્યું છે. વાપી નગરપાલિકા દ્વારા નાણાપ્રધાન કનુભાઈ દેસાઈને રજુઆત કરી ખુલ્લામાં બેસી મચ્છી વેંચતા વિક્રેતાઓ માટે ગુજરાત સરકારની ગ્રાન્ટમાંથી અદ્યતન ફિશ માર્કેટ નું નિર્માણ કર્યું છે. જેમાં તૈયાર કરેલા સ્ટોલ આઇડેન્ટિફાઇડ કરેલા મચ્છી વિક્રેતાઓને ફાળવી 29મી એપ્રિલથી મચ્છીનું વેં...

Apr272023 by Meroo Gadhvi Auranga TimesNo Comments

સુરતથી ઉમરગામ આવી ઘર, દુકાન, કંપનીઓના ગોડાઉનમાં ચોરી કરતા 4ને LCB એ ઝડપી પાડ્યા

Gujarat, National

વાપીમાં હાઈવે નંબર 48 પર UPL બ્રીજ પાસેથી વલસાડ LCB ની ટીમે ચોરીના મુદ્દામાલ સાથે સુરત રહેતા અને મૂળ યુપી, સુરેન્દ્રનગર, રાજકોટ, ભાવનગરના 4 રીઢા ચોરને ચોરીના 7.30 લાખના મુદ્દામાલ સાથે ઝડપી પાડી ઉમરગામના 2 ચોરીનાં ગુન્હાનો ભેદ ઉકેલી નાખ્યો છે. જ્યારે આ ચોરીમાં સંડોવાયેલા વધુ 2 ચોરને વોન્ટેડ જાહેર કરી વધુ તપાસ હાથ ધરી છે. આ અંગે LCB એ વિગતો આપી હતી કે, LCB ની એક ટીમ મિલકત સંબંધિત ગુનાઓ અટકાવવા તથા બનેલા ગુનાઓને શોધી કાઢવા વાપી પંથકમાં પેટ્રોલિંગમાં હતી ત્યારે ASI રાકેશ રમણભાઈ અને મહેન્દ્ર ગુરુજીને સંયુક્ત બાતમી મળી હતી કે કેટલાક ચોર ઈસમો ચોરીના મુદ્દામાલ <span;>સાથે ઉમરગામથી નીકળી મુંબઈ સુરત હાઇવે નંબર 48 પર ટેમ્પોમાં પસાર થઈ રહ્યા છે. જેને લઇ LCB પોલીસે વાપી જીઆઇડીસી નેશનલ હાઇવે નંબર 48 પર UPL ઓવર બ્રિજ નજીક વોચ ગોઠવી હતી. જે દરમ્યાન ટેમ્પોમાં આવતા આરોપીઓને મુદ્દા માલ સાથે ઝડપી પ...

Apr272023 by Meroo Gadhvi Auranga TimesNo Comments

દમણ-ગુજરાતમાં ઉચ્ચ અભ્યાસ કરતા વિદ્યાર્થીઓ માટે કેરિયર ફેર નું કરાયું આયોજન

Gujarat, National

સંઘપ્રદેશ દમણમાં રોટરી ક્લબ ઓફ દમણ, કોળી પટેલ સમાજ દમણ અને તન્મય ચેરીટેબલ ટ્રસ્ટ ના સંયુક્ત ઉપક્રમે 2 દિવસીય કરિયર ફેરનું આયોજન કરવામાં આવ્યું છે. આ કેરિયર ફેરનો ઉદેશ્ય વલસાડ, દમણ, સેલવાસની કોલેજોમાં અભ્યાસ કરતા વિદ્યાર્થીઓને ઉપયોગી માહિતી માર્ગદર્શન પૂરું પાડવાનો છે. જે માટે વિવિધ શૈક્ષણિક સંસ્થાઓ દ્વારા સ્ટોલ ઉભા કરવામાં આવ્યા છે. કેન્દ્રશાસિત પ્રદેશ દમણ ખાતે 26-27 એપ્રિલના બે દિવસીય રોટરી કેરિયર ફેરનું આયોજન કરવામાં આવ્યું છે. વિદ્યાર્થીઓ અભ્યાસની સાથે કેરિયર પસંદગી કરવામાં પણ ઉપયોગી માર્ગદર્શન મેળવી શકે. કંઈક નવું શીખી જીવનમાં આગળ વધી શકે તેવા ઉદેશથી આયોજિત આ કેરિયર ફેર દમણ કોળી પટેલ સમાજ ની વાડીમાં યોજાયો હતો. જેમાં ગુજરાતની નામાંકીત યુનિવર્સિટીઓ જેવી કે પંડિત દીનદયાળ એનર્જી યુનિવર્સીટી, પારુલ યુનિવર્સીટી, વલસાડ જિલ્લાની સૌ પ્રથમ રજૂ શ્રોફ રોફેલ યુનિવર્સિટી, ઓરો યુનિવર્સીટી, પી....

Apr262023 by Meroo Gadhvi Auranga TimesNo Comments

વાપી નજીક કુંતા ગામની આંબાવાડીમાં પરપ્રાંતીય યુવકે ગળે ફાંસો ખાધો, 2 દિવસમાં 2 કમકમાટીભર્યા મોતથી પંથકમાં અરેરાટી

Gujarat, National

વાપી નેશનલ હાઇવે નંબર 48 પર 25મી એપ્રિલે એક યુવક પર કોઈ અજાણ્યું વાહન ભરી વળતા તેના કમકમાટીભર્યા ક્ષત વિક્ષત મૃતદેહે પંથકમાં કમકમાટી જન્માવી હતી. જે હજુ શમી નથી ત્યાં જ 26મી એપ્રિલે વાપી નજીક કુંતા ગામની આંબા વાડીમાં ઝાડને ડાળે ગળે ફાંસો ખાધેલી હાલતમાં વધુ એક યુવકનો મૃતદેહ મળી આવતા પંથકમાં અરેરાટી ફેલાઈ છે. વાપીમાં બિનવારસી મૃતદેહ ઉપાડતા તેમજ અકસ્માતે કે અન્ય કોઈ કારણસર મોતને ભેટતા અજાણ્યા મૃતદેહો માટે નિઃશુલ્ક સેવા બજાવતા જમીયત ઉલમાએ વાપી ટ્રસ્ટના પ્રમુખ ઇન્તેખાબ ખાન અને તેની ટીમને સવારે પોલીસ વિભાગમાંથી ફોન આવ્યો હતો કે, વાપી નજીક કુંતા ગામની એક આંબાવાડીમાં એક યુવક ઝાડની ડાળી સાથે ગળેફાંસો ખાઈ મૃત્યુ પામેલ છે. જેના મૃતદેહને એમ્બ્યુલન્સમાં વાપી ચલાના સરકારી દવાખાને પોસ્ટમોર્ટમ માટે લઈ જવાનો છે. આ જાણકારી મળતા ઇન્તેખાબ ખાન અને તેની ટીમ એમ્બ્યુલન્સ સાથે કુંતા ગામની આંબા વાડીમાં...

Apr262023 by Meroo Gadhvi Auranga TimesNo Comments

મુંબઈ અમદાવાદ વચ્ચેના હાઇ સ્પીડ રેલ કોરિડોર પ્રોજેકટમાં 50 કી.મી.ના વાયડક્ટ અને 180 કિલોમીટરમાં ફાઉન્ડેશન પુર્ણ

Gujarat, National

22 એપ્રિલ 2023 સુધીમાં HSRCL દ્વારા મુંબઈ અમદાવાદ હાઇ સ્પીડ રેલ પ્રોજેક્ટની હાલની સ્થિતિ અંગે વિગતો જાહેર કરી છે. જેમાં બુલેટ ટ્રેન પ્રોજેકટ ગુજરાતમાં તેજ ગતિથી આગળ વધી રહ્યો હોવાની વિગતો આપી છે. HSRCL દ્વારા અપાયેલ વિગતો મુજબ આ પ્રોજેકટ હેઠળ પ્રગતિ રૂટ પર આવતી નદી પરના બ્રિજ માટે 50 કી મી નો વિશાળ અને તે ભાગના લોખંડના ગર્ડર્સ મુકીને બીજો માઇલસ્ટોન સિધ્ધ કર્યો છે. મુંબઈ અમદાવાદ વચ્ચે 50.16 કી મીના નદીનાં બ્રિજ પૂરા કર્યા છે. જેમાં વડોદરા પાસે 9.1 કી મી નો સળંગ બ્રિજનો સમાવેશ થાય છે અને 41.06 કી મી. ના જુદા જુદા લોકેશન પરના બ્રિજ પણ તૈયાર કરવામાં આવ્યા છે. તો, 285 કી મી લાંબો પાઇલ બનાવવામાં આવ્યો છે, 215.9 કી મી નું ફાઉન્ડેશન તૈયાર કર્યું છે. 182.4 કી મી. માં પાઇલર્સ (ખાંભા) નું કન્સ્ટ્રક્શન પૂર્ણ કરવામાં આવ્યું છે. એ ઉપરાંત કુલ 1882 ગડર્સ પૈકી 75.3 કી મી ના ગર્ડરનું કાસ્ટિંગ ...

Apr262023 by Meroo Gadhvi Auranga TimesNo Comments

રૂપિયા 20 હજારની લાંચની માંગણી કરનાર કેનેરા બેંકનો લાંચિયો મેનેજર આવ્યો ACB ના સકંજામાં

Gujarat, National

Anti Corruption Bureau સુરત એકમના સુપર વિઝન અધિકારી મદદનીશ નિયામક આર. આર. ચૌધરીના માર્ગદર્શનમાં ACB એ લાંચીયા બેન્ક મેનેજરની ધરપકડ કરી છે. વલસાડ અને ડાંગ ACB પોલીસ સ્ટેશનના ટ્રેપીંગ અધિકારી PI કે.આર. સકસેના તથા વલસાડ ACB સ્ટાફે કેનેરા બેંક વેજલપોર બ્રાન્ચ, ધમડાચીના બ્રાન્ચ મેનેજરને લાંચની રકમ સાથે ઝડપી પાડ્યો છે. ACB ના છટકામાં સપડાયેલા બેન્ક મેનેજરે DJ ની એક લાખની લોન પાસ થવા પેટે ફરિયાદી પાસેથી 20 હજારની લાંચની માંગણી કરી હતી. ACB એ બેંકના બ્રાન્ચ મેનેજરને લાંચની રકમ સાથે રંગેહાથ ઝડપી પાડી મહત્વની સફળતા મેળવી છે. આ અંગે ACB એ વિગતો આપી છે કે, એક જાગૃત નાગરિકે DJનો વ્યવસાય કરી રોજગાર મેળવવા શ્રી બાજપાઇ બેંકેબલ યોજનામાંથી લોન મેળવવા અરજી કરી હતી. જે અરજી વલસાડ જિલ્લાની કેનેરા બેંક વેજલપોર બ્રાન્ચ, ધમડાચીમાં ટ્રાન્સફર થઈ હતી. જેથી કેનેરા બેંક વેજલપોર બ્રાન્ચ, ધમડાચીમાં બેન્ક મેનેજરની...

Apr232023 by Meroo Gadhvi Auranga TimesNo Comments

માર્ગ અને મકાન વિભાગ દ્વારા બનાવેલ વાપી-કોપરલી ફોરલેન માર્ગનું રાજ્યના નાણાપ્રધાને કર્યું લોકાર્પણ

Gujarat, National

વાપીમાં ગુંજન વિસ્તારમાં પેપીલોન ચોકડીથી છીરી-કોપરલી તરફનો માર્ગ સિંગલ માર્ગ હોય ટ્રાફિકની સમસ્યા ઉદ્દભવતી હતી. જેનું નિરાકરણ લાવવા વલસાડ માર્ગ અને મકાન વિભાગ દ્વારા 2,42,44,619 રૂપિયાના ખર્ચે ફોરલેન માર્ગની કામગીરી હાથ ધરી હતી. જે પૂર્ણ થયા બાદ રાજ્યના નાણાપ્રધાન કનુભાઈ દેસાઈના હસ્તે તેનું લોકાર્પણ કરવામાં આવ્યું હતું. વાયડનિંગ એન્ડ સ્ટ્રેન્ધનિંગ ઓફ વાપી-કોપરલી-અંભેટી-સુખાલા રોડ કિલોમીટર 0/6 થી 19/7 વલસાડ અંતર્ગત ફોરલેન વર્ક ઇન સેક્શન કિલોમીટર 0/6 થી 1/6 પ્રોજેકટ માટે 04/02/2022ના ગુજરાત સરકારના માર્ગ અને મકાન વિભાગ ગાંધીનગરથી 220 લાખની રકમના ખર્ચે માર્ગ નવીનીકરણ નો ઠરાવ કરવામાં આવ્યો હતો. જેની 2,19,91,700 રૂપિયાની તાંત્રિક મંજૂરી મળી હતી. જ્યારે DTP ની રકમ મુજબ 2,15,91000 સામે 12.40 ટકા ના ઊંચા ટેન્ડરે કિંજલ કન્સ્ટ્રકશન દ્વારા 2,42,44,619 રૂપિયાનું ટેન્ડર ભરી કામગીરી શરૂ કરી હતી....